ШИНЭ ДЭЛХИЙ ДЭЭРХ АМЬДРАЛ

#1
ШИНЭ ДЭЛХИЙ ДЭЭРХ АМЬДРАЛ

«ЭНД, ОДОО» АГШИН ДАХЬ АМЬДРАЛ

2020-11-29

Сайн байцгаана уу, хайрт хүүхдүүд минь!

Өнөөдөр бид та нарын шинэ энергийн зайд шилжих үед маш чухал «энд, одоо» агшинд хэрхэн амьдарч сурах тухай ярилцах болно.

Нэг туйлт ертөнцөд 3 хэмжээст ертөнцийн шугаман цаг хугацаанаас ялгаатай огт өөр цаг хугацааны параметрүүд байдаг.

Энэхүү та нарын ухамсар ба бие махбодь шинэ нөхцөл байдлуудад аль болох хурдан дасан зохицохын тулд та нар цаг хугацааны гадна аль болох олон, удаан байж сурах хэрэгтэй.

Энэ нь зөвхөн та нар ухамсраараа «энд, одоо» агшинд бүхэлдээ, бүрэн оршиж байгаа үед л боломжтой юм.

3 хэмжээст ертөнцөд ихэнхдээ энэ нь дуртай ажлаа хийх эсвэл ямар нэгэн зүйлд хүчтэй дурлах үед хүнд ухамсаргүйгээр тохиолддог.

Түүнд цаг нь минут мэт нисэн өнгөрч байгаа мэт санагддаг ч үнэн хэрэгтээ тэр цаг хугацаагүйн зурвас руу орчихсон хэрэг юм.

Яагаад ийм зүйл тохиолддог вэ?

Юуны түрүүнд тийм агшинд хүн хийж байгаа зүйлээсээ өөр юуны ч тухай боддоггүй. Тэр хийж байгаа зүйлдээ бүрэн умбасан байдаг.

Бодлоороо тэр арагшаа ч буцахгүй, урагшаа ч гүйхгүй бөгөөд өнгөрсөн, одоо, ирээдүйг холбодог 3 хэмжээст ертөнцийн тэрхүү “шугаман байдлыг” бүтээдэг.

Тэр бүхлээрээ одоод оршдог.

Энэ үед тэр маш аз жаргалтай байдаг, учир нь тэр өдөр тутмын санаа зовох асуудлууд, дурсамжууд, ирээдүйн төлөвлөгөөнөөс ангижирдаг.

Түүний Ухаан нь зөвхөн ганцхан зүйл дээр буюу тухайн мөчид хийж байгаа зүйл дээрээ л төвлөрсөн байдаг.

Анх харахад ийм байдалд хүрэх хялбархан мэт санагдавч үнэн хэрэгтээ бол ингэж чадах нь ховор, учир нь хүн хүүхэд наснаасаа л сэтгэх, үнэлэх, зүйрлэх, шүүх, дурсах, мөрөөдөх, харамсах, ирээдүйн төлөвлөгөөгөө зохиох гэх мэт бодлуудын эргүүлэгт амьдарч дассан байдаг.

Бодохгүй байх нь ихэнхдээ бясалгалын үеэр эсвэл байгальтай бүрэн нэгдсэн ховорхон агшинд л тохиолддог юм.

Ийм байдалд өдөр бүр орох нь аугаа урлаг боловч одоо түүнд хүрэх цаг нь ирлээ.

Энэ нь яагаад ийм чухал вэ?

Юуны өмнө, зөвхөн “энд, одоо” байдал л та нарын хувьд шинэ бодит байдал руу ямар ч хүчин чармайлтгүйгээр буюу хөнгөн бөгөөд чөлөөтэй шилжихэд туслах Тавдугаар хэмжээсийн чичирхийллийг өөртөө тээж явдаг юм.

Энэ нь хүнийг жинхэнээсээ аз жаргалтай болгодог хүний амьдралын хамгийн Бурханлаг бүрэлдхүүн хэсэг.

Энэ нь өөртөө, хувь заяандаа, Бүтээгчид үг дуугүй итгэх ИТГЭЛ юм.

Энэ нь АЙДАСГҮЙ БАЙДАЛ юм, учир нь айдас нь хүний ба өөрийн туршлага дээр үндэслэсэн өнгөрсний, ирээдүйн тухай бодлуудаас төрдөг.

Энэ нь ӨӨРИЙГӨӨ ХЭРЭГЖҮҮЛЭХ юм, учир нь та нар ухаанаа алдан умбаж, өөрийгөө бүрэн зориулан, бүхнийг мартан хийж байгаа өдөр тутмын өчүүхэн ажил ч БҮТЭЭЛ болдог.

Энэ нь ӨӨРИЙГӨӨ ХҮНДЭТГЭХ юм, учир нь та нар ийм мөчид өөрсдийгөө жинхэнэ Бүтээгч гэж мэдэрдэг.

Та нарын хүн нэг бүр дуртайяа, өөрийгөө бүрэн зориулан хийж байсан ажлынхаа үр дүнд баясан цэнгэж аз жаргалтай байсан амьдралынхаа мөчүүдийг санаж чадна.

Одоо үүнийг амьдралынхаа хэв маяг буюу оршихуйнхаа үндэс болгохын тулд амьдралынхаа ховор бус мөчүүд болгох нь маш чухал байна.

Дараагийн илгээлтүүддээ 3 хэмжээсийн ертөнцийн бодит байдалд байж ийм байдалд хэрхэн хүрч болох талаар би та нарт ярьж өгөх болно.

Та нарыгаа хэмжээлшгүй ихээр хайрладаг Үнэмлэхүй Эцэг та нартай ярилцлаа.

2020-11-22-нд Марта хүлээн авав.

Эх сурвалж:

https://vozrojdeniesveta.com/zhizn-na-n ... z6g5dDjP4O

Сайт "Возрождение"


Return to “Сансрын Илчлэл”

cron