Tesla Cybertruck

#1
Пүрэв гарагийн орой АНУ-ын Тесла компани цахилгаан хөдөлгүүрт пикап төрлийн Cybertruck автомашинаа Лос Анжелес хотод танилцуулсан юм.

Тус компанийн гүйцэтгэх захирал Илон Маск “маш удаан хугацаанд хэлбэрээ өөрчлөлгүй, нэг хэв загвараа хадгалж ирсэн трак автомашиныг зоригтой шинэчилж” байгаагаа танилцуулгын үеэр онцолсон байна.

Үнэхээр Cybertruck-ийн хийц, загвар нь уламжлалыг эвдсэн юм.

Ингээд өвөрмөц хэлбэртэй энэхүү автомашины онцлох үзүүлэлтүүдтэй танилцья.
Cybertruck нь зүргаан хүний суудалтай
Image

Нэг хөдөлгүүртэй, арын дугуй хөтлөгчтэй хувилбар нь $39,900-аас эхлэх үнэтэй бол гурван хөдөлгүүртэй, бүх дугуй нь хөтлөгчтэй хувилбар $69,900 хүрэх ажээ.
Бас автомат жолоодлогын систем нэмбэл $7,000-ыг нэмж төлөх юм.
Image

Дээрх хоёр хувилбарын дунд бүх дугуй хөтлөгчтэй, хос хөдөлгүүртэй хувилбар бас байгаа юм.
Ганц хөдөлгүүртэй нь бүрэн цэнэгээр 400 км туулах чадвартай бол хос хөдөлгүүртэй нь 480, гурван хөдөлгүүртэй нь 800 км туулна.
Image

Гурван хөдөлгүүртэй хувилбар нь 2.9 секундэд 100 км/цаг хурд авах чадалтай гэнэ. Бас 6,350 кг чирэх, 1,500 кг ачих даацтай.
Image

Машины эх бие “ultra hard” стэйнлес ган хийцтэй бол шил нь хуяглагдсан тусгай шил ажээ. Бууны сум нэвтрэхгүй, сэв тогтохгүй, зэврэхгүй бат бэх хийцтэй гэж танилцуулсан байна.
Image

Cybertruck нь 2,800 литрийн багтаамжтай ачааны хэсэгтэй.
Image

Ачааны хэсгийн хаалт нь хүн зогсоход даахуйц бат бэх материалтай.
Image

Эх биеийг 10 см-ээр өндөрсгөх, намсгах “adaptive air suspension” системтэй.
Image

Зөвхөн Cybertruck-ийг дагалдах Cyberquad нэртэй цахилгаан ATV-ийг нэмэлтээр худалдаж авах боломжтой ажээ.
Image




Өнгөрсөн Пүрэв гарагийн орой Тесла компани цоо шинэ загвартай пикап төрлийн Cybertruck автомашинаа Лос Анжелес хотод танилцуулсан билээ.

Танилцуулгын үеэр автомашины чанарыг харуулах үзүүлбэр амжилтгүй болж, шил нь хагарч байв. Бас уламжлалт бус хийц загварыг нь олон мэргэжилтэн шүүмжилж байснаас танилцуулгын дараа Тесла компанийн хувьцааны үнэ 6.1 хувиар унажээ.

Гэсэн хэдий ч Cybertruck нийтдээ 150,000 шахуу захиалга хүлээж авсныг Бямба гарагт Тесла компанийн гүйцэтгэх захирал Илон Маск твиттер хуудсандаа мэдээлсэн байна.

“Одоогоор нийт 146k Cybertruck-ийн захиалга аваад байгаагаас 42 хувь нь хос, 41 хувь нь гурвалсан, 17 хувь нэг нэг хөдөлгүүртэй хувилбар сонгожээ” гэж тэр мэдэгджээ.

Ямар ч сурталчилгаа явуулаагүй байхад ийм өндөр захиалга авсныг Маск онцолсон байна.

Cybertruck автомашин 2021 оны сүүлээр Теслагийн үйлдвэрт угсрагдаж эхлэх төлөвлөгөөтэй байгаа юм.


Post Reply

Return to “Автомашин сонирхогчид”

cron