Премьер лигийн аварга Ливерпүүл клубийн шинэ дасгалжуулагч Арне Слот ирэх даваа гарагт Брайтоны эсрэг тоглолтын өмнө наймааны талаар олон нийтийн өмнө ярих хүсэлгүй байгаагаа илэрхийллээ.
Баруун жигүүрийн хамгаалагч Трент Александр-Арнолд энэ зун Анфилдыг орхихоо албан ёсоор мэдэгдсэний дараа түүний оронд хэд хэдэн тоглогчийн нэр яригдаж эхэлсэн. Сүүлийн мэдээллээр Ливерпүүл Байер Леверкузен багийн Жереми Фримпонгийн 35 сая еврогийн гэрээний заалтыг идэвхжүүлэх гэж буй гэх ч Слот багтаа шинэ тоглогч нэмэхээр яарахгүй байгаагаа илэрхийлэв.
Тэрбээр хэлэхдээ:
“Бүтэн улирлын турш гэрээ сунгалтын тухай ярьж байсан бол одоо бүгд хэнийг элсүүлэх гэж байгааг мэдэхийг хүсч байна.
Бид тоглогчийг гэрээ байгуултал нийтэд мэдээлдэггүй. Тэр үед л надаас асууж болно. Конор Брэдли, Жо Гомес нар баруун жигүүрт тоглож чадна. Трент явахаар боллоо гээд би одоо яахаа мэдэхгүй байгаа зүйл биш. Гэхдээ бид багтаа ахиц авчрах тоглогчдыг байнга ажиглаж байдаг.
Шинэ тоглогч элсүүлнэ гэж бодож байна уу? Бид одоо байгаа тоглогчдоороо маш их бахархаж байгаа.
Шинэ тоглогч авчрах эсэх нь бидний шийдвэр боловч тоглох боломж бага байсаар дахин нэг улирлыг өнгөрүүлэхийг хүсэхгүй байгаа тоглогч ч бий. Тиймээс энэ бол тасралтгүй үргэлжилдэг үйл явц. Хэрвээ багийг хүчирхэгжүүлж чадах бол бид бэлэн байх ёстой. Гэхдээ энэ хэцүү. Учир нь бид лигийн аварга болсон нь манай тоглогчдын чадварыг илтгэж байгаа. Энэ клуб өнгөрсөн хугацаанд олон удаа зөв шийдвэр гаргаж ирсэн.”
That Salah, Firmino and Coutinho link-up 🔗😮💨
A 🔝 display on the south coast ✨ #BHALIV ’17 pic.twitter.com/RdefAYty8q
— Liverpool FC (@LFC) May 15, 2025
Александр-Арнолд Арсеналын эсрэг сэлгээгээр талбайд гарах үед Анфилдын зарим үзэгч түүнийг гоочилсон. Харин Слот энэ асуудлыг орхиж, анхаарлаа амжилтдаа төвлөрүүлэхийг уриаллаа.
“Үүний талаар надад ярьсан хүн бий, стадион дахь үзэгчдийн хариу үйлдэл ч мэдрэгдсэн. Шүүмжлэгчид ч ярьсан. Харин одоо энэ асуудалд цэг тавья. Бид лигийн аварга болсон гэдгээ санаж, тэр баярт мэдрэмждээ анхаарлаа хандуулъя. Трентийн асуудалд хэт их сатаарах хэрэггүй” гэж тэрбээр нэмж хэлжээ.
Хэрвээ Ливерпүүл өмнөд эргийн энэ тоглолтод гоол оруулж чадвал Английн дээд лигийн бүх зочин тоглолтод гоол оруулсан ердөө ес дэх баг болж, 20 ба түүнээс дээш багтай улиралд ийм амжилт үзүүлсэн дөрөв дэх баг болно. Өмнө нь Арсенал, Манчестер Юнайтед (2001-02 онд 19 тоглолт), Арсенал (1930-31 онд 21 тоглолт) зэрэг багууд энэ амжилтад хүрч байжээ.
101greatgoals.com
