Майк Тайсон Жейк Полын нүүрэнд хэлэх үггүй шууд алгадсан нь Рик Жеймсийн алдарт үйлдлийг санагдуулав. Жингийн хэмжилтийн дараа тулаанчид нүүр тулах явцад энэ үйл явдал болсон байна.
Хүнд жингийн аварга асан Тайсон долоо хоногийн турш нам гүм байсан ч гэнэт тайзан дээгүүр алхаж очоод Жейк Полыг шууд алгадан эхэлжээ. Үүнээс болж нөхцөл байдал хурцдаж, хамгаалалтынхан болон хоёр талын багийнхан тайзан дээр гарч тулаанчдыг салгахаар яаравчилжээ.
Ихэд бухимдсан Тайсон хэсэг тайвширсныхаа дараа Пүрэв гарагт болсон үйлдлийнхээ талаар асуухад ердөө хоёрхон үгтэй хариулт өгчээ.
“Яриа дууссан” хэмээн Тайсон хэлээд тайзнаас буужээ.
Пол Тайсонд алгадуулсан үедээ ихэд гайхсан ч инээмсэглэсээр байв. Тэрээр тулааны өмнөх сүүлчийн үгэндээ ууртай хариу барьсан юм.
“Би бүр юу ч мэдрээгүй,” хэмээн Пол хэлээд, “Тэр ууртай байна. Тэр ууртай бяцхан одой юм даа. Майк Тайсон, надад бол энэ чинь хөөрхөн л алгадалт байлаа, найзаа, гэхдээ маргааш чи үнэхээр унах болно. Би түүнийг бут ниргэх болно! Тэр эмэгтэй хүн шиг цохидог. Одоо энэ хувийн асуудал болсон. Тэр үхэх ёстой!” гэж хэлжээ.
Жингийн хэмжилтийн хувьд, хүнд жингийн хоёр тулаанч бараг адил жинтэй байсан бөгөөд Пол 227.2 паунд /103.05 кг/, Тайсон 228.4 паунд /103.60кг/ жинтэй байжээ. Тиймээс Баасан гарагийн тулаанд тэдний хооронд их зөрүү байхгүй бололтой.
Пол болон Тайсон нар Даллас хотын ойролцоох AT&T цэнгэлдэх хүрээлэнд Netflix-ээр шууд дамжуулагдах тусгай боксын арга хэмжээний гол тулаанд тулалдана. Үндсэн тулаануудын эхлэх цаг бол Зүүн бүсийн цагаар оройн 8:00.
