Стивен Э. Смит Баасан гарагийн “First Take” нэвтрүүлгийг эхлүүлэхдээ Лос Анжелес Лэйкерс Нью-Йорк Никсийг нэмэлт цагт 113-109 харьцаагаар хожсон тоглолтын үеэр Леброн Жэймстэй талбайн хажууд болсон олон нийтийн анхаарлыг татсан харилцан ярианы талаар ярьжээ.
57 настай Смит энэ “Гэнэтийн” ярианы талаар дэлгэрэнгүй тайлбарлахдаа энэ бол 21 удаагийн NBA-ийн Бүх од биш, харин нэг эцэг хүний хувьд түүнтэй хийсэн яриа байсан гэдгийг онцлов.
“Леброн Жэймс над дээр гэнэт ирж, хүүгийнх нь талаар юу ярихаа анхаарахыг сануулсан” хэмээн Смит ярив. Түүний хүү, 20 настай Лэйкерсийн шинэ тоглогч Бронни Жэймсийн талаар тэрбээр ингэж дурдсан юм.
Damn LeBron stepped to Stephen A Smith👀👀👀 pic.twitter.com/ZJIDcPU4dL
— LegendOfWinning (@LegendOfWinning) March 7, 2025
“Тэр үед хэрэглэсэн үгсийг би давтаж чадахгүй, FCC-ийн шаардлагад нийцэхгүй. Би үүнийг эхэндээ ярих бодолгүй байсан. Учир нь энэ бол зөвхөн бид хоёрын дунд болсон нэгэн төрлийн ‘Хувийн’ асуудал байлаа. Гэхдээ өглөө нь сэрэхэд ESPN, миний агент гээд олон хүн над руу энэ явдал олны анхааралд хүрсэн тухай мессеж илгээсэн. Ингээд энэ талаар ярихаас өөр аргагүй боллоо” гэж тэр хэлэв.
Смит цааш нь Леброныг сагсан бөмбөгчин биш, харин эцэг хүний хувьд өөрт нь хандаж байсныг ойлгож байгаагаа хэлжээ.
“Би Леброн Жэймст уурлаж, гомдохгүй. Тэр бол хүүгээ туйлын их хайрладаг, гайхалтай гэр бүлийн хүн. Тэр миний хэлсэн зүйлсийг буруу ойлгосон эсвэл өөрөөр хүлээж авсан байх. Тиймээс надтай энэ талаар ярихаар ирсэн байх” гэж Смит онцлов.
Тэрбээр мөн Леброны төлөөлөгчид өөрийнх нь холбоо барих мэдээллийг мэддэг тул хэрэв хувийн байдлаар уулзахыг хүссэн бол өөр нөхцөлд ярих боломжтой байсныг дурджээ.
“Гэхдээ тэр ингэхийг сонгоогүй. Харин талбайн хажууд ирээд, шууд өөрийн байр сууриа илэрхийлсэн” хэмээн Смит үргэлжлүүлэв. “Тэр миний хүүг нь доромжилсон гэж бодсон байх. Хэрэв бид өөр орчинд байсан бол би түүнд ‘Леброн, би хүүгийн чинь талаар муу зүйл ярихгүй. Би чиний тухай ярьж байсан юм’ гэж хэлэх байсан” гэж Смит нэмж хэлэв.
Тэрбээр Бронни Жэймсийн ирээдүйг дэмжиж, түүнд сайн сайхныг хүсэж буйгаа илэрхийлээд, залуу тоглогчийг амжилт гаргана гэж найдаж байгаагаа ч хэлэв.
Харин олон нийтийн сүлжээнд хөвөрсөн бичлэгээс харахад, Леброн Жэймс Смитэд хандан “Хүүг минь энэ хэрэгт битгий хутга” гэж хэлсэн байх магадлалтай гэж таамаглаж байна.
“Би түүнийг NBA-ийн од болно гэж хүсэж байна. Түүний эсрэг байгаа хүн байхгүй, би ч мөн түүнд амжилт хүсдэг” гэж Смит нэмж хэлжээ.
Гэвч тэрбээр Леброн Жэймсийн өмнө нь хийсэн мэдэгдлүүд нь хүүд нь хэт их дарамт учруулсан гэдгийг онцолжээ.
“Леброн Жэймс өмнө нь ‘Бронни хаана байна, би тэнд байна’ гэж хэлж байсан. Энэ нь хүүгийнх нь карьер дээр хэр их дарамт учруулж байгааг бодоорой. Миний ярьсан зүйл энэ л байсан” гэж Смит онцлов.
Эцэст нь тэр Леброны үйлдлийг буруутгахгүй гэдгээ илэрхийлээд, “Би бол хоёр охины эцэг. Хэрэв би Леброны оронд байсан бол яг адилхан үйлдэл хийх байсан гэдгээ үгүйсгэхгүй” гэжээ.
Смит өмнө нь нэвтрүүлгийн үеэр Леброн Жэймст хандан “Үүнийг боль” гэж хэлж байсан бөгөөд “Бид бүгд Бронни Жэймс аавынхаа ачаар NBA-д орсон гэдгийг мэднэ” гэж дурдсан байдаг.
Түүний энэхүү байр суурийг Леброны агентлаг Klutch Sports өмнө нь анхаарч, Смитэд Броннигийн талаар арай зөөлөн байр суурьтай байхыг хүссэн байна.
Лэйкерс пүрэв гарагт хожсоноор 40-21 гэсэн үзүүлэлттэй болсон бол 40-22 амжилттай байгаа Нью-Йорк Никс баг Жален Брүнсоны шагайны гэмтлийн талаар шинэ мэдээлэл хүлээж байна.
nypost.com
