Шон Мендес өөрийн нэрээр нэрлэсэн цомог болох ‘Shawn’-аа танилцууллаа: Stream It Now

Шон Мендесийн шинэ цомог эцэстээ гарлаа. Тэрээр хамгийн сүүлийн бүрэн хэмжээний бүтээл болох “Shawn”-аа энэ баасан гарагт (11-р сарын 15) танилцууллаа.

Өөрийн нэрээр нэрлэсэн энэ цомогт өмнө нь гарсан “Why Why Why,” “Isn’t That Enough,” “Nobody Knows,” болон “Heart of Gold” синглүүд багтсан байна.

Мендес уг цомгийн трейлерийг анх долдугаар сард олон нийтийн сүлжээгээр хуваалцсан бөгөөд бичлэгт 26 настай од ой модонд гитар тоглож, найзуудынхаа хүрээлэлд галын дэргэд “Isn’t That Enough” дууг дуулж буйг харуулсан байдаг. Тэрээр бичлэгийн тайлбарт: “Хөгжим үнэхээр эмчилгээ байж чадна. 2 жилийн өмнө би өөрийгөө хэн гэдгээ огт мэдэхгүй мэт санагдаж байсан. Харин жилийн өмнө студид орох бүртээ бүхэлдээ сэтгэлийн хямралд ордог байв. Тиймээс өнөөдөр энд 12 гайхалтай дууссан дуутайгаар байх нь надад үнэхээр бэлэг мэт санагдаж байна” хэмээн бичжээ.

Тэрээр үргэлжлүүлэн шүтэн бишрэгчид болон хайртай хүмүүстээ талархлаа илэрхийлжээ. “Үнэхээр найз нөхөд, гэр бүлдээ баярлалаа,” гэж тэр бичсэн байна. “Амьдрал хатуу хэцүү байж болно, гэхдээ гүн итгэж найдаж болох цөөн хүмүүсийн дэмжлэгээр даван гарах нь бүхнийг илүү сайхан болгодог. Сүүлийн хэдэн жилийг, тэр ч байтугай энэ цомгийг та наргүйгээр хэрхэн туулж дуусгах байснаа төсөөлөх ч үгүй байна.”