Нарны хурц гэрэл, элсэн шуурганаас өөр юмгүй энэ эзгүй хотод яг юу тохиолдсон гэж та бодож байна? Цар тахал, дайн байлдаан, цөмийн зэвсэг гэх мэт болзошгүй аюулууд хамгийн эхэнд толгойд орж ирнэ. Харамсалтай нь эдгээрийн аль нь ч биш.Энэ дүрслэл бол Post-apocalyptic earth буюу сүйрлийн дараах дэлхийд өрнөх сонирхолтой түүхийг өгүүлэх 2021 оны Finch киноны хэсэг.
Энд хүчтэй нарны шуурганаас болоод Озоны давхарга устаж, дэлхийн гадарга дээрх амьд организмуудын ихэнх нь мөхсөн байгаагаар харуулах ба та асар өндөр тун бүхий хэт ягаан туяа, нарны гэрэлд амьд байхын тулд тусгай хамгаалалтын өмсгөл өмсөхөөс өөр аргагүйд хүрсэн байх болно.За бодит амьдрал дээр ийм аюул тохиолдох боломжтой юу? Хариулт нь тийм. Гэхдээ өдийг хүртэл биднийг амьд байлгаж байгаа нэг зүйл бол нүдэнд үл үзэгдэх дэлхийн соронзон бүрхүүл. Энэ давхарга биднийг сансрын болон нарны хүчтэй шуурга, цацрагаас хамгаалж байдаг. Энэ удаад дэлхийн соронзон мандал болон нарны шуурганы талаар хамтдаа олж мэдэцгээе.Эхлэхээс өмнө дардаг юмнуудаа дараад бичлэг рүүгээ орцгооё.
