in

Антони Реал Бетист зээлээр ирсэндээ баяртай байна тэрээр “Миний гаргасан хамгийн зөв шийдвэр байлаа” гэв

Бразил залуу Севильд шинэ гэртэй болжээ.

Антони Реал Бетист зээлээр ирсэндээ баяртай байна тэрээр “Миний гаргасан хамгийн зөв шийдвэр байлаа” гэв

Манчестер Юнайтедээс явснаасаа хойш сэргэлт авч буй Антони Испанид гайхалтай цаг хугацааг өнгөрүүлж байгаагаа хэллээ.

Антонийг зээлээр авсан Реал Бетис түүнийг Премьер лигт төөрөлдсөн жигүүрийн тоглогч биш, багтаа нөлөө үзүүлэх чадвартай тоглогч гэж харж байв.

Бразил тоглогч 2022 онд Аяксаас Юнайтедэд 81 сая фунтын үнэ хүрч ирсэн ч хуучин формоо сэргээж чадалгүй, энэ оны нэгдүгээр сард клубээ орхих үед өөртөө итгэх итгэл нь бүрэн алга болсон байв.

Харин Бетис түүний карьераа сэргээх тодорхой төлөвлөгөөтэй байлаа. Антони багт нэгдсэнээсээ хойш 12 тоглолтод оролцож, 4 гоол, 4 гоолын дамжуулалт өгөөд байна.

DAZN-д өгсөн ярилцлагадаа тэр:
“Би үнэхээр жаргалтай байна. Би өөрийгөө оллоо, би өөрийгөө олох хэрэгтэй байсан, аз жаргалтай байх шаардлагатай байсан. Мөн гэр бүл маань ч аз жаргалтай байх ёстой. Өдөр бүр энэ бол миний гаргасан хамгийн зөв шийдвэр гэдгийг мэдэрч байна.

Хот, клуб, өдөр бүрийн амьдралд дурлаж байна. [Севиль] надад Бразилыг их санагдуулдаг – нар, хоол, бүх зүйл. Бас эндхийн хүмүүс үнэхээр дулаахан ханддаг. Би маш жаргалтай байна, энэ нь бид, бразилчуудын хувьд хамгийн чухал зүйл.”

Антони багт нэгдэх үед Бетис Ла Лигийн хүснэгтийн 10 дугаарт бичигдэж байсан бол сүүлийн зургаан тоглолт дараалан ялалт байгуулж, үүнд 2:1-ээр Севильяг буулгаж авсан тоглолт ч багтаж, зургаа дахь байранд бичигдэж эхэлсэн. Тэд Аваргуудын лигийн эрхээс ердөө зургаан онооны зайтай явна.

Бетис Европын дээд түвшний тэмцээнд 2005-06 оны улирлаас хойш оролцоогүй бөгөөд Антониг улирлын дараа ч хадгалах боломжтой гэж үзэж байна.

Зээлийн гэрээнд байнгын наймааны заалт байхгүй ч Антони өөрөө Испанид үлдэхэд нээлттэй гэдгээ илэрхийлэв.

“Юнайтедэд би маш их талархаж явдаг. Тэнд хүнд хэцүү мөчүүдийг ч, сайхан мөчүүдийг ч туулсан. Гэхдээ энэ бүхэн намайг өнөөдөр энд байхад бэлтгэсэн. Өнөөдөр миний бүх анхаарал энд төвлөрч байна, би үнэхээр аз жаргалтай байна” хэмээн тэр нэмж хэлжээ.

101greatgoals.com

What do you think?

Leave a Reply

Автомашины салхины шил яагаад бусад цонхноос ялгаатай вэ?

Автомашины салхины шил яагаад бусад цонхноос ялгаатай вэ?

Тимбервулвс-Пистонс багуудын маргааны дараа NBA шийтгэл оноолоо

Тимбервулвс-Пистонс багуудын маргааны дараа NBA шийтгэл оноолоо