Марко Асенсио хоёрдугаар хагаст дубль хийж, Астон Вилла эхний гоолоо алдаад байсан ч нөхөн авч, Челсиг 2:1-ээр хожлоо. Виллагийн нэгдүгээр сарын гол наймаанууд болох Асенсио, Маркус Рашфорд нар хоёр ч удаа хослон гоол бүтээж, Унаи Эмеригийн баг Энцо Фернандесийн эрт үеийн гоолыг нөхөн алдартай ялалтыг байгууллаа.
Гэхдээ Виллагийн хожлын гоол азтай байдлаар орсон юм. Учир нь Челсигийн хаалгач Филип Йоргенсен Асенсиогийн цохилтыг хааж чадалгүй, бөмбөгийг гартаа хүргээд алдаж, хаалгандаа гоол алдав.
Энэхүү хожил Астон Виллаг хүснэгтийн долдугаар байрт гаргасан бол Челси муу тоглолтуудаа үргэлжлүүлж, хүснэгтийн зургаад байрлаж, эхний дөрөвт багтах боломжоо алдлаа.
A MASSIVE THREE POINTS 😁 pic.twitter.com/wbtSyXgXAn
— Aston Villa (@AVFCOfficial) February 22, 2025
Тоглолтын явц
Тоглолтын эхний 10 минут өнгөрөхөд Челси тэргүүллийг авсан. Нетогийн ганган довтолгоо жигүүрээс дамжуулалт болж, хаалганы өмнө зогсож байсан Энцо Фернандес бөмбөгийг торонд тулгаж оруулав.
Челси давуу байдлаа хадгалсан ч удалгүй Оли Уоткинс тооны харьцааг тэнцүүлэх дөхсөн ч түүний цохилтыг Йоргенсен хаалаа.
Хоёрдугаар хагаст Эмери довтолгоогоо эрчимжүүлэхийн тулд Рашфордыг талбайд гаргав.
Нето Челсигийн гол аюул учруулагч байж, алсын цохилтоор хаалгыг онилсон ч Эмилиано Мартинес түүний цохилтыг амжилттай хаалаа.
Удалгүй Вилла тэнцээний гоолоо орууллаа. Матти Кашийн холын дамжуулалтыг Рашфорд сунан хүрч хаалга руу чиглүүлсэн бөгөөд Асенсио бөмбөгийг хаалганд оруулав. Эхлээд шүүгч оффсайд гэж үзсэн ч VAR шалгалтын дараа гоол зөвшөөрөгдөж, Вилла тоглолтод эргэн ирэв.
Челси дахин тэргүүлэх боломжоо алдсан. Кол Палмер Моисес Кайседогийн дамжуулалтаар хаалгатай нүүр тулсан ч цохилтоо удаашруулсан тул Эзри Конса амжиж хаав.
Тоглолт хоёр талд аль алинд нь нээлттэй өрнөж, аль баг нь ч оноо хуваахыг хүсэхгүй байлаа.
Хоёрдугаар хагаст нэмэлт цаг дөхөж байх үед Вилла хожлын гоолоо хийв. Рашфорд Донйел Маленыг гоолын боломж руу гаргасан ч Йоргенсен түүний цохилтыг хаалаа. Харин үргэлжилсэн богино булангийн дамжуулалтаас Рашфордын дамжуулалтыг Асенсио хүчтэй цохиж, бөмбөг Йоргенсений гарнаас мултран хаалганд орлоо.
Хаалгачийн зүгээс хялбархан хаах боломжтой байсан ч алдаа гаргаж, Виллагийн ялалтыг баталгаажуулав.
101greatgoals.com
