Дэвид Бекхэм Манчестер Юнайтедын тоглогчдын зан авирыг шүүмжиллээ
Манчестер Юнайтедын хуучин хагас хамгаалагч, Английн багийн ахлагч асан Дэвид Бекхэм Азийн дараах улирлын аялалаас хойш багийнхаа “нэг эсвэл хоёр” тоглогчийн зан авирыг шүүмжилж, тэднийг “зөв арга барилаар үйлдэж байгаагүй” гэж мэдэгдлээ. Хэдийгээр Бекхэм нэр заагаагүй ч тодорхой тоглогчдын зан авирыг “миний нүдэнд зохистой биш” гэж хүлээн зөвшөөрөв.
Манчестер Юнайтедын баг Премьер лигийн түүхэндээ хамгийн муу улирлыг дуусгаж, 16-д дууссаны дараа Малайз, Хонг Конгт үзүүлбэр тоглолт хийхээр аялсан байна. Тоттенхэм Хотспур багтай Бильбаод болсон Европын лигийн финалд хожигдсоноор Рубен Аморимын удирдлагатай багийн хувьд энэ улирал улам хүнд байлаа. Тэд Куала Лумпурт ASEAN All-Stars багт 1-0-ийн тоогоор ялагдаж, Хонг Конгийн үндэсний багийг 3-1-ийн харьцаатай хожсон юм.
Амад Диалло ASEAN All-Stars багтай тоглолтын үеэр нэгэн хөгжөөн дэмжигчид хуруугаа гозойлгосон үйлдэл хийн олны анхаарлыг татсан. Үүнд клубээс түүнийг ээжийнх нь талаар “хүндэтгэлгүй үг хэлсэн” гэж үзсэн байна.
Энэ улирлын бас нэгэн харамсалтай тохиолдол болсон энэ явдлын дараа Аморим Алехандро Гарначод “шинэ клуб хайх”-ыг зөвлөсөн тухай мэдээ гарчээ. Бекхэм, өөрийгөө Манчестер Юнайтедын үнэнч дэмжигч хэмээн зарладаг бөгөөд 1992-2003 оны хооронд багийн төлөө 400 гаруй тоглолт хийсэн байна.
Бекхэм CBS Sports-д өгсөн ярилцлагадаа “Багийн дотор болж буй зарим зүйлүүдийг харах хэцүү байна. Талбай дээрх тоглолт чухал боловч талбайгаас гадуур болж буй үйлдлүүдэд сэтгэл хангалуун бус байна. Багийн төлөө хувцас өмсөх нь юу гэсэн үг болохыг ойлгох ёстой. Бид МЮ багийн төлөөх хүндэтгэлийг үргэлж дээдэлдэг байсан. Азид, Европт хаана ч очсон хөгжөөн дэмжигчдээ хүндэтгэдэг байсан” гэж сэтгэл дундуур байгаагаа илэрхийлэв.
Бекхэм Парис Сен-Жермен багийг Манчестер Юнайтедтэй харьцуулж, Францын багийн нэгэн зэрэглэлийн амжилтыг онцлон тэмдэглэв. Тэрээр “Тэдний философи өөрчлөгдсөн бөгөөд багийн тоглогчид нэгэн зүгт зүтгэж, хамтдаа амжилт олохыг эрмэлздэг болсон. Манчестер Юнайтедын хувьд энэ нь харагдахгүй байна” хэмээн хэлэв.
Эх сурвалж:
Beckham criticises Manchester United players for not upholding club standards
The former United midfielder made his thoughts clear after the Red Devils’ post-season tour of Asia
