Манчестер Юнайтед багийн залуу довтлогч Алехандро Гарначо өөрийг нь Криштиану Роналду-тай зүйрлэж байгааг үгүйсгэж, “Тэр үеийн хөлбөмбөг өнөөдрийнхөөс өөр байсан” хэмээн мэдэгдлээ.
Өнгөрсөн ням гарагт болсон Брентфордын эсрэг 4–3 харьцаатай хожигдлоор өндөрлөсөн тоглолтод Гарначо гоолдсон нь түүний Премьер лиг дэх 14 дэх гоол болсон юм. Энэ нь Роналдугийн 21 нас хүрэхээс өмнө Юнайтедын төлөө оруулсан гоолын тоотой тэнцэж байгаа юм.
Харин 2003 онд Спортинг Лисабоноос Манчестер Юнайтедэд ирж байсан Португал супер од дараа нь Англи, Испани, Итали зэрэг улсуудад лигийн аварга болж, таван удаагийн Ballon d’Or-ын эзэн болсон билээ. Өдгөө тэрбээр Саудын Арабын Al-Nassr багт тоглож буй.
You’ve been asking 👀
A new tifo has been approved by @B_Fernandes8 and will be unveiled before Thursday’s #UEL semi-final second leg at Old Trafford 🙌#MUFC
— Manchester United (@ManUtd) May 6, 2025
Гэсэн ч өнөөдөр сэтгүүлчидтэй уулзах үеэрээ Гарначо:
“Би тоонд анхаарч байгаа юм биш. Криштиану энэ багт тоглож байх үеийн хөлбөмбөг, өнөөгийн тоглолтын хэв маяг хоорондоо өөр. Миний хувьд багтаа тус болж, ялалтад хөтлөхийн тулд хичээж байгаа. Бид довтлогчид маань бүгд шаргуу бэлтгэл хийж байна. Илүү сайн тоглохын төлөө хамтдаа зүтгэж байгаа” хэмээн ярьжээ.
Гарначо: Премьер лигт бид хангалтгүй тоглож байна
Юнайтедын ахлах дасгалжуулагч Рубен Аморим өмнө нь одоогийн бүрэлдэхүүнийг “клубын түүхэн дэх хамгийн сул бүрэлдэхүүн” хэмээн шүүмжилж байсан. Харин Гарначо хариу мэдэгдэлдээ болгоомжтой хандсан бөгөөд маргааш болох Атлетик Бильбао-гийн эсрэг Европын лигийн хариу тоглолтын өмнөх хэвлэлийн хурлын үеэр:
“Премьер лигт бид үнэхээр сайн тоглож чадахгүй байгаа нь үнэн. Гэхдээ дасгалжуулагч маань өмнө нь хэлж байсан, бид дүрмийг дагаж мөрдөж байгаа. Манай хувьд энэ тоглолт финалтай адил. Хэрвээ бид Европын лигт түрүүлж чадвал Аваргуудын лигт шалгарах бөгөөд ирэх улирлыг илүү сайн сэтгэлзүйтэй угтаж чадна” хэмээн ярьжээ.
Тэрбээр мөн дасгалжуулагч солигдсон нь нөхцөл байдлыг төвөгтэй болгосныг хүлээн зөвшөөрч:
“Улирлын дунд дасгалжуулагч, бүрэлдэхүүн бүхэлдээ солигдоход амар биш. Гэхдээ миний хувьд өдөр бүр хичээнгүйлэн хөдөлмөрлөж, дасгалжуулагчид өөрийгөө харуулахыг хичээж байгаа. Энэ л миний хийх ёстой зүйл” гэж хэлсэн байна.
101greatgoals.com
