Дуа Липагийн фенүүд түүнийг тун удахгүй хуримаа хийнэ гэдэгт итгэлтэй байна. Тэдний үзэж буйгаар дуучин бүсгүй нэг жил болзсон найз залуу болох Каллум Тёрнертэй сүй тавьсан бололтой.
Хоёр алдартан хуримын талаар төлөвлөж байгаа гэх цуурхал “Houdini” дууны эзэн бүсгүй өөрийн Instagram хуудсандаа энэ мягмар гарагт (12-р сарын 24) Зул сарын баяраа өнгөрүүлсэн зургуудаа хуваалцсанаар эхэлжээ.
Уг цуврал зургуудын заримд түүний хуруунд бөгж зүүлттэй байгаа нь анзаарагдсан байна. Харин баасан гарагт (12-р сарын 27) тэр дахин Зул сарын баярын зураг цувралаа оруулж, Санта малгай өмссөн, гар хийцийн цацагт хяруул хийсэн, хуучин гэр бүлийн бичлэг үзэж буй зургуудын дунд дахин бөгж зүүсэн байдал нь тодорхой харагджээ.
Энэхүү нарийн деталь фенүүдийн анхаарлыг татаж, тэд Дуа Липагийн постуудын сэтгэгдэл хэсэгт, бүр 9-р сараас хойш хязгаарлагдсан байсан ч хамаагүй, түүний харилцааны талаар олон асуулт үлдээсэн байна. “СҮЙ ТАВЬСАН УУ? Эхний зураг дээрх бөгж OMG,” хэмээн мягмар гарагийн постын доор нэгэн фен бичжээ.
“Дуа, сүй тавьсан уу? Чамд баяр хүргэе 💙” хэмээн баасан гарагийн постод хэн нэгэн асууж, бас нэгэн фен “Бөгжийг харуулж болох уу?” гэж бичжээ.
Billboard Дуа Липа болон Каллум Тёрнерийн төлөөлөгчдөд хандан албан ёсны тайлбар хүссэн ч одоогоор ямар нэгэн мэдээлэл ирээгүй байна.
Дуа Липа баасан гарагийн постдоо ямар нэгэн нэмэлт сэжүүр өгөөгүй бөгөөд: “Зул сар үнэхээр өхөөрдөм өнгөрлөө 🎄 цацагт хяруул миний хамгийн шилдэг бүтээлүүдийн нэг байлаа 👩🍳💋” гэж л бичсэн байна. Тэр мөн Британийн жүжигчнийг энэ удаад постдоо оруулаагүй ч хоёр хоногийн өмнө хуваалцсан зурган цувралд найз залуутайгаа хөөрхөн, бүдэгхэн селфигээ нийтэлсэн байжээ. Уг зургийн тайлбар нь “Баяраар гэртээ.”
Дуа Липа болон “The Capture” киноны од Тёрнер нарын болзож эхэлсэн гэх цуурхал энэ оны 1-р сард, мөн жүжигчний Masters of Air киноны нээлтэнд Лондонд оролцсоноор анх эхэлсэн. Харин 7-р сард тэд Instagram-д албан ёсоор харилцаагаа ил болгож, гурван удаагийн Грэммигийн эзэн Дуа Липа Гластонбери дэх найз залуутайгаа авахуулсан өхөөрдөм зургуудыг оруулжээ.
Тёрнертэй харилцаагаа өргөжүүлэхээс гадна, тэрээр энэ жил өөрийн гурав дахь студийн цомгоо гаргасан. Radical Optimism нэртэй уг цомог нь 5-р сард худалдаанд гарч, Billboard 200 жагсаалтын №2-т эрэмбэлэгджээ.
Дуучин бүсгүй 12-р сард Billboard U.K. сэтгүүлд өгсөн ярилцлагадаа 2024 оныг “Амьдралынхаа хамгийн шилдэг жил” гэж дүгнэжээ. “Нэг л өдөр би ‘шинэ мөрөөдөл, шинэ төлөвлөгөө, хүсэж байсан зүйлсээ хийхийн тулд сууж бичих хэрэгтэй юм байна’ гэж бодсон. Би энэ жил маш олон мөрөөдлөө биелүүлсэн. Үнэхээр гайхалтай” хэмээн тэрээр ярьсан байна.
billboard.com
