Мөрөөдлийн хайрын түүх
Sony Pictures компани “A Big Bold Beautiful Journey” нэртэй шинэ киноныхоо трейлерийг гаргалаа. Энэхүү романтик кино нь алдарт жүжигчид болох Маргот Робби, Колин Фаррелл нарын гол дүрд тогложээ.
Энэхүү романтик-фантастик кино нь найруулагч Когонадагийн бүтээл бөгөөд “хоёр танил бус хүний төсөөлөл дүүрэн түүх” хэмээн албан ёсны танилцуулгад тэмдэглэгдсэн байна. Киноны бүрэлдэхүүнд Жоди Тёрнер-Смит, Лили Рабе, Фиби Уоллер-Бридж, Хамиш Линклатер нар мөн оролцож байна.
Когонада нь өмнө нь “After Yang” нэртэй шинжлэх ухааны гэр бүлийн драмыг найруулж байсан бөгөөд Колин Фаррелл болон Жоди Тёрнер-Смит нар тоглосон. Мөн тэрээр 2017 оны “Columbus” киног найруулсан бөгөөд Apple TV+ платформын “Pachinko” цувралыг ч найруулсан. Сценарийг “The Menu”-г бичсэн Сет Рейсс бичжээ.
Колин Фаррелл “Collider” сэтгүүлд өгсөн ярилцлагадаа “Энэ кино бол нэг төрлийн хайрын түүх боловч ердийн биш. Энэ нь шидэт реализмын элементүүдийг агуулсан бөгөөд бидний таньдаг ертөнцөд суурилсан ч төсөөллийн гайхамшигт дэлхийд оршдог” гэжээ.
Эцэст нь хэлэхэд, “A Big Bold Beautiful Journey” киноны зураг авалтад Ори Айзен, Жино Фалсетто, Илене Фелдман, Когонада, Пол Межей нар зөвлөх продюсерээр оролцсон байна. Продюсерээр Дан Фридкин, Райан Фридкин, Юрее Хенли, Сет Рейсс, Брэдли Томас нар ажиллажээ. Ноа Саймон туслах продюсераар ажилласан байна. Маргот Робби энэ кинонд тоглосноороо 2023 оны хит болсон “Barbie” киноноос хойш анх удаа кинонд дүр бүтээж байгаа бөгөөд тэрээр “Saltburn”, “My Old Ass”, “Borderline” зэрэг кинонуудыг продюсер хийсэн юм. Колин Фаррелл нь энэ жил “The Penguin” цувралд Оз Коббын дүрд тоглож SAG шагналыг хүртсэн.
“A Big Bold Beautiful Journey” кино нь 9-р сарын 19-нд дэлгэцнээ гарна. Трейлерийг доорх холбоосоор үзнэ үү.
Эх сурвалж:
‘A Big Bold Beautiful Journey’ Trailer: Margot Robbie and Colin Farrell Find Love In Sweeping Romantic Fantasy
See the trailer for ‘A Big Bold Beautiful Journey,’ Kogonada’s fantastical romance film starring Margot Robbie and Colin Farrell.
