Погба 2023 оны арваннэгдүгээр сард Ювентус багийг орхиж, чөлөөт агент болсон. Туринд өнгөрүүлсэн хоёр дахь бүрэлзлэл амжилтгүй болсон тул клуб болон тоглогч хоёулаа шинэ эхлэл хайж буйгаа илэрхийлсэн. ДАШТ-ий аварга хөлбөмбөгч сүүлийн үед допингийн асуудлаар шуугиан тарьсан ч анх оноосон дөрвөн жилийн хориг нь давж заалдах шатанд 18 сар болгон бууруулагдсан. Ийнхүү тэрээр 2025 оны гуравдугаар сараас талбайд гарах боломжтой болжээ.
Марсель клубын спортын захирал Мехди Бенатиа Францын L’Équipe сонинд өгсөн ярилцлагадаа:
“Бид нэгдүгээр сард Погбаг элсүүлэх талаар бодож байсан. Хүсэл эрмэлзэл байсан ч тэр үед бүрэн бэлтгэлгүй байсан учраас улирлын үлдсэн хугацаанд манай багт тогтмол тус хүргэх боломжгүй гэж үзсэн. Хэрвээ дараа улиралд бидэнд нэгдэх боломж гарвал, Погба шиг тоглогчийг хүлээн авахдаа баяртай байх болно” хэмээн ярьжээ.
Погба Манчестер Юнайтед руу буцаж магадгүй юу?
Шилжүүлгийн цонх хаагдсан энэ үед Европын улс орнуудад чөлөөт агентуудын бүртгэл харилцан адилгүй байгаагаас шалтгаалан Погба зун хүртэл багтай нэгдэх боломжгүй байж магадгүй. Гэвч 31 настай хагас хамгаалагч саяхан Манчестер Юнайтед руу буцах талаар сэжиг төрүүлэхүйц пост сошиал хуудсандаа нийтэлсэн нь шүтэн бишрэгчдийн анхаарлыг татаж байна.
Түүний хуучин багийн хамтрагч Рио Фердинанд ч энэ санааг бүрэн үгүйсгэсэнгүй. Тэрээр “Rio Presents” подкастдаа:
“Погба ямар нэгэн багтай нэгдэх нь тодорхой. Би бол ‘ирээд бидэнтэй хамт бэлтгэл хий, ямар түвшинд байгааг чинь харъя’ гэж хэлэх байсан. Би түүнийг аль хэдийн урьчихсан байх байсан шүү” гэж ярьжээ.
