Ливерпүүлийн од Мохамед Салах клубээ Премьер лигт түрүүлэхийг уриаллаа. Пүрэв гарагийн орой тэд Лестерыг 3:1-ийн харьцаатайгаар хожсон байна.
Энфилд дээр манантай үдэш өнгөрсөн ч Ливерпүүлийн хувьд хүснэгтийн дээд хэсэгт байр сууриа илүү тодорхой болгож чадлаа.
Арне Слотын удирдсан баг хоёрдугаар байрт орсон Челсигээс долоон онооны зөрүүтэйгээр тэргүүлж байгаа бөгөөд Челси энэ өдөр Фулхэмд ялагдсан юм.
Голланд дасгалжуулагчийн удирдлага дор нэг л хожигдол хүлээсэн Ливерпүүлийн хувьд Салах тавдугаар сар гэхэд аварга болох итгэлтэй байгаагаа илэрхийлэв.
Тоглолтын дараа тэрбээр:
“Энэ бол сайн үр дүн. Эхний хагаст тэд маш хүчтэй байсан. Харин хоёрдугаар хагасдаа маш сайн бэлтгэлтэй байсныг нь харлаа” гэж хэлжээ.
Is Mo Salah more motivated than ever? 👀🏆#PLonPrime #LIVLEI pic.twitter.com/DIZ1S8LcJo
— Amazon Prime Video Sport (@primevideosport) December 26, 2024
“Бид гурван гоол оруулж, гайхалтай үр дүн үзүүллээ.
“Эхний гоол бидэнд хоёрдугаар хагасдаа итгэл авчирч, тоглолтыг хожих боломж олгосон. 1:0-ээр хожигдож байх үед тэнцээ хийхэд бүх анхаарлаа төвлөрүүлэх шаардлагатай болдог.”
Салах Ливерпүүлийн гурав дахь гоолыг оруулж, Премьер лигийн хүрээнд Энфилдэд 100 дахь гоолоо бүртгүүлсэн юм.
Тэрээр цааш нь:
“Энэ бол миний хувьд маш их бахархалтай зүйл. Бид шаргуу хөдөлмөрлөхөө үргэлжлүүлнэ, би илүү их амжилтад хүрнэ гэж найдаж байна.
“Хамгийн чухал нь баг хожих явдал – Премьер лигт түрүүлнэ гэж найдаж байна.
“Гайхалтай мэдрэмж, гэхдээ бид тоглолт бүрт төвлөрч, ийм маягаар урагшлах болно гэж найдаж байна.
“Мэдээж өөр мэдрэмж төрүүлж байна, гэхдээ хамгийн гол нь бид даруу байх хэрэгтэй.
“Энэ бол маш онцгой мөч. Премьер лигт түрүүлэх нь миний мөрөөдөл, энэ клубийн хувьд ч маш чухал зүйл.” гэж хэлжээ.
101greatgoals.com
