Премьер лиг Тоттенхэмийн хүсэлтийн дагуу Астон Виллатай хийх тоглолтыг хоёр өдрөөр урагшлуулж, тавдугаар сарын 16-ны Баасан гарагт тоглуулахаар боллоо. Энэ өөрчлөлт нь Тоттенхэмд тавдугаар сарын 21-нд болох Европын Лигийн боломжит финалын өмнө илүү урт амралт, бэлтгэлийн хугацаа өгөх зорилготой.
Манчестер Юнайтед ч мөн тэр долоо хоногт Челситэй тоглох хуваарьтай байсан бөгөөд анхнаасаа Баасан гарагт тоглох байсан ч одоо тоглолтын эхлэх цаг өөрчлөгджээ.
Our final @premierleague away fixture of the season has been rescheduled 🗓️ pic.twitter.com/X5NlqL2xYi
— Tottenham Hotspur (@SpursOfficial) May 6, 2025
Европын Лигийн хагас шигшээ тоглолтууд энэ Пүрэв гарагт болох тул финалд хэн шалгарах нь хараахан батлагдаагүй. Гэсэн ч өнгөрсөн долоо хоногт:
-
Манчестер Юнайтед Атлетик Бильбаог 3-0-ээр буулган авсан
-
Тоттенхэм Бодо/Глимтийг 3-1-ээр хожсон
Энэ нь финалд хоёр Англи клуб шалгарах өндөр магадлалтайг харуулж байна.
Тоглолтын хуваарьт гарсан энэ өөрчлөлт нь дараагийн улиралд Аваргуудын лигийн эрх авахын төлөө өрсөлдөж буй Челси, Астон Вилла багуудад шууд нөлөөлөх юм. Виллагийн зүгээс уг тоглолтыг урагшлуулахыг эсэргүүцсэн тухай мэдээлэл бий. Учир нь уг тоглолт нь тэдний улирлын сүүлчийн гэрийн тоглолт байсан тул Ням гарагт олон нийтэд зориулсан гэр бүлийн үйл ажиллагааг төлөвлөсөн байжээ.
Шинэ тоглолтын тов:
-
Астон Вилла vs Тоттенхэм – 5 сарын 16, 19:30 (Улаанбаатарын цагаар 5 сарын 17, 02:30)
-
Челси vs Манчестер Юнайтед – 5 сарын 16, 20:15 (Улаанбаатарын цагаар 5 сарын 17, 03:15)
