ESA-ийн хоёр хиймэл дагуул болох Occulter ба Coronagraph нь өндөр эллипс тойрог замд бие биенээсээ 150 метрийн (492 фут) зайтайгаар тогтвортой байрлалаа хадгалж, яг л нэг том шинжилгээний төхөөрөмж шиг ажиллаж байна. Энэ зарчим нь хэд хэдэн хиймэл дагуулыг нэгэн зэрэг ашиглаж, сансрын нам гүм орчин ба физикийн хуульд тулгуурлан илүү их мэдээлэл цуглуулах боломжийг олгодог. Гэвч Proba-3-ын зорилго өөр: Нэг нь (Occulter) нарны хурц гэрлийг хааж, нөгөө нь (Coronagraph) нарны титэм буюу гадна давхрааг цэвэрхэн ажиглах.
Энэ үйл явц амжилттай хэрэгжихийн тулд хоёр дагуул зүгээр л хамт хөвж явах бус, мм-ийн хэмжээний буюу 0.04 инчийн нарийвчлалтайгаар байрлалаа хадгалах ёстой. Мөн тэдгээрийг дэлхийгээс “гараар” удирдахгүй.
Тодруулбал, хоёр хиймэл дагуулын хооронд 152.4 м (ойролцоогоор 500 фут) зайтай байх ёстой бөгөөд Occulter дээр байрлах 1.4 м (4.6 фут) диаметртэй дугуй нарны гэрлийг хааж, Coronagraph-ийн дээр ердөө 5 см (2 инч) сүүдэр тусах хэрэгтэй. Энэ л нарны хурц гэрлээс хамгаалж, түүний бүдэгхэн титмийг дүрсэлж авахад хангалттай.
Газар дээрээс анхны байршлыг тохируулсны дараа, хиймэл дагуулууд өөрсдийн камер, LED гэрэл, лазер хэмжигч зэрэг төхөөрөмжүүдийн тусламжтайгаар ойртон, тусгай алгоритмын дагуу Coronagraph-ийг Occulter-ийн сүүдэр дотор байлгадаг.
FLLS (Fine Lateral and Longitudinal Sensor) хэмээх лазер мэдрэгч нь байрлалын жижиг зөрүүг илрүүлж, хоёр хөлгийг яг таг зэрэгцүүлэн байлгах үүрэгтэй. Энэ технологи нь NASA ба ESA-гийн хамтарсан LISA гравитацын долгионы дараагийн үеийн обсерватори ч мөн ашиглагдах ба ирэх 10 жилд илүү хол зайд ижил нарийвчлалтай ажиллах болно.
Proba-3-ын энэ амжилт нь урьд өмнө хэзээ ч хийгдэж байгаагүй нарийн тойрог замын “төгөлдөр хуурын” бүжиг ажээ.
“Бид зайны хувьд мм, харин хөндлөн чиглэлд мм-ээс бага нарийвчлалтай ажиллаж байна,” хэмээн ESA-ийн төслийн менежер Дамиен Галано тайлбарлажээ. “Бид одоо багажнуудыг бүрэн тохируулж дуусаад, нарны титмийн анхны боловсруулсан зургаа тэсэн ядан хүлээж байна.”
Proba-3 нь зөвхөн нарны шинжлэх ухаанд хувь нэмэр оруулахаас гадна, ирээдүйн олон хиймэл дагуулт хөтөлбөрүүдийн хувьд нарийн хэмжилтийн технологийг баталгаажуулж өгч буй чухал туршилт болж байна.
Энэ бол ирээдүйн одон орон судлалын суурийг тавьж буй гайхамшигтай нарийн шинжлэх ухаан юм. Одоогоор ESA-ийн Proba-3 судалгааныхаа гол шатанд бэлдэж байгаа лазерээр холбогдсон хоёр хиймэл дагуул, яг л Кубрикийн кинон дахь бүжиг шиг, Нар руу эгц ширтэхэд бэлэн боллоо.
gizmodo.com
