Өргөн уудам нутагтай Монголчууд бид чинь угийн л цэлгэр орон зайг илүүд үздэг улс. Тиймдээ ч бидний тархинд жижиг орон зай бүрийг анхаарал хандуулан ашиглах бодол тэр бүр орж ирэхгүй л болов уу. Харин тэгтэл цаад улс орнууд чинь нэг метр зайнд өрөө байтугай бүхэл бүтэн хүн амьдрах байшин багтаасан байвал яах вэ? Бүр хоёр байшингийн хоорондох нарийхан зайд, хүний нүдэнд барагтаа харагдахгүй тийм л давчуу газрыг ашиглачихсан байна гээд бод доо. Яахав эх нутаг минь уужим юм болохоор бидний толгойд юу гээд л ийм жижигхэн юм орж ирэх вэ?