Нью-Йорк Никс багийн ахлах дасгалжуулагч Том Тибодо Лхагва гарагийн шөнө Бостон Селтиксийг 91-90 оноогоор буулган авч, дорнод бүсийн хагас шигшээ цувралын хоёрдугаар тоглолтод хожил байгуулсанд багийнхаа тоглолтыг өндрөөр үнэллээ. 20 онооны зөрүүг арилгаж, дахин эргэн ирэлт хийсэн энэ ялалт Никст цувралд 2-0-ийн илт давуу байдал авчирсан юм.
Багийнхаа сэтгэлийн хаттай байх талаар асуухад Тибодо:
“Тасралтгүй тэмцэх хэрэгтэй. Бүх довтолгоо чухал. 48 минутыг бүрэн тоглох ёстой” хэмээн онцлов. Тоглолтыг удаан эхлүүлж, хүнд байдалд орсон ч Карл-Энтони Таунс, Жош Харт нарын чухал тоглолт сүүлийн мөчид ялалтад хүргэж чаджээ.
Түүнчлэн плей-оффт зочин багууд хожих хандлага нэмэгдэж буй талаар асуухад Тибодо:
“Орчин үеийн тоглолт илүү хурдтай болсон. Гэнэт оноо нөхөх боломж их. Гурван онооны шидэлтийн нөлөө ч бас бий” хэмээн тайлбарлаж, плей-оффт онооны зөрүү найдвартай биш гэдгийг дурдав.
Тоглолтын шийдвэрлэх мөчид Микал Брижес Жэйсон Тэйтумын эсрэг чухал бөмбөг тасалснаар ялалтыг баталгаажуулсан. Тибодо энэ тухай:
“Сайн багаар хамгаалсан. Тэйтум довтолгоонд орж ирэх үед түүнийг зогсоохын тулд биеэр хаах шаардлагатай” гэж тайлбарлав.
Багийнхаа зан чанарын талаар Тибодо ярихдаа:
“Бие биедээ итгэх хэрэгтэй. Том зөрүүнээс ч эргэн ирж чаддаг гэдгээ бид дахин харуулсан” гэж онцолжээ. Тэрээр Митчел Робинсоны бэртэл, Жален Брансоны улирлын туршийн тогтворгүй байдал зэргийг даван туулж чадсан багаа магтсан юм.
Түүнчлэн сүүлийн үед 14 оноо авсан Брижесийн тоглолтыг онцолж:
“Тэр биднийг үргэлж ялалтад хүргэх арга олдог. Шидэлт орж өгөхгүй байвал хамгаалалт сайжруул, бөмбөггүй үед идэвхтэй хөдөл, эсвэл хурдтай довтол” хэмээн онцолжээ.
Майлс Брижес болон Робинсоны сэлгээнээс орж ирсэн чухал оролцоог мөн магтсан бөгөөд:
“Тэд сэтгэлзүйн уналтаас гаргаж, хожих итгэл төрүүлсэн. Онооны зөрүү 10-аас доош орсон үед бид ялах итгэлтэй болдог” хэмээв.
Никс одоо цувралын гуравдугаар тоглолтыг Мэдисон Сквер Гарденд хийх бөгөөд 3-0-ээр тэргүүлэх боломжтой болоод байна.
