Сперс финалд Манчестер Юнайтедтай Бильбао хотод тоглоно. Хоёр баг хагас шигшээд амжилттай тоглож, тоглолтуудаа тун итгэлтэйгээр хожсон юм.
Сүүлийн жилүүдэд Тоттенхэм цомд ойртсон хэдий ч хэзээ ч түрүүлж чадаагүй. Тухайлбал, 2019 онд Аваргуудын лигийн шигшээд шалгарсан ч хожигдож, бусад тэмцээнд ч мөн сүүлийн шатанд бүдэрсэн түүхтэй.
Харин энэ удаа баг дотор итгэл найдвар дахин төрж, Ангэ Постэкоглугийн хувьд магадгүй сүүлчийн тоглолтоо хийх гэж буй нь бүр ч онцгой нөхцөл байдал бий болгож байна. Австрали дасгалжуулагч улирлын эхэнд “Би хоёр дахь жилдээ заавал түрүүлдэг” гэж мэдэгдэж байсан бөгөөд Английн Премьер лигт амжилтгүй улирал өнгөрүүлсэн ч, Испанид үүнийгээ батлах том боломж түүнд байна.
📍BILBAO pic.twitter.com/qhssRsV4JR
— Tottenham Hotspur (@SpursOfficial) May 19, 2025
Тэрбээр BetMGM сайтад өгсөн ярилцлагадаа:
“Шигшээ тоглолт бол үнэхээр том үйл явдал. Энэ тоглолт зөвхөн энэ улирлын хүрээнд ч биш, ирээдүйн хувьд ч Тоттенхэмийн хувьд асар чухал,” хэмээн ярьжээ.
“Бид сүүлийн хэдэн жил цом өргөлгүй явсан. Хэрэв энэ удаа түрүүлж чадвал, энэ баг том тэмцээнд ялах чадвартай гэсэн итгэлийг бүрдүүлж чадна.
“Бид сайн багуудын эсрэг тоглолтод ерөнхийдөө сайн байж чадсан. Европын тэмцээнүүдэд талбай дээрх тоглолт маш чухал байдаг. Харин бид энэ тэмцээнд гадаад талбайн тоглолтуудаа маш тогтвортой хийсэн нь том давуу тал болсон.
“Дасгалжуулагч тоглолт болгонд хүчтэй бүрэлдэхүүнээ тогтмол гаргаж чадсан. Мөн хэсгийн шатанд шөвгийн наймд шалгарсан нь дараагийн шатанд хожих магадлалыг ихээхэн нэмэгдүүлсэн.
“Тэмцээн урагшлах тусам багийн итгэл улам бүр өссөн. Улирлын эхэнд шинэ форматтайгаар явагдаж эхэлсэн учраас хүмүүс ч бас сонирхож, хэрхэн өрнөхийг нь ажиглаж байсан.
“Энэ тоглолт ойролцоо өрнөх байх. Гэхдээ нэг зүйлийг онцолбол, Тоттенхэм энэ улиралд Манчестер Юнайтедыг гурван удаа хожсон нь маш чухал.
“Эсрэг багийг хожиж чадна гэдгээ мэдэж байгаа үед сэтгэлзүйн маш том давуу тал үүсдэг. Би Арсенал, Челсиг анх удаа хожиж байсан тоглолтуудаа санаж байна… тэр үед айдас бүрэн арилдаг.
“Харин өмнө нь ялагдаж байсан багтай дахин тоглохоор болбол, тэр мэдрэмж ард сэтгэлд байсаар байдаг. Эхний гоол маш чухал. Хэрэв Тоттенхэм оруулж чадвал бүр ч илүү ач холбогдолтой болно. Манчестер Юнайтед дарамтад хэрхэн хариу үйлдэл үзүүлэхийг харах сонирхолтой байх болно” хэмээн онцолжээ.
All you need to know about the #UELfinal ⬇️
⏰ When the game starts
📺 How you can watch it
📋 The predicted line-ups— UEFA Europa League (@EuropaLeague) May 20, 2025
Багийн ирээдүйн тулгуур багана
Тоттенхэм энэ улирлын турш төвийн хамгаалалтын үндсэн хос болох Микки ван де Вен, Кристиан Ромеро нарыг гэмтлийн улмаас тогтмол гаргаж чадаагүй.
Харин одоо тэд бүрэн эдгэрч, багийн хувьд хамгийн чухал мөчид бүрэлдэхүүндээ эргэн ирсэн нь Манчестер Юнайтедын довтолгоог зогсоох түлхүүр болж мэднэ. Учир нь Юнайтед энэ улиралд боломж гаргах тал дээр төдийлөн үр дүнтэй байж чадаагүй.
Ледли Кинг Ван де Венийг онцолж, Тоттенхэмд ирсэн даруйдаа шилдэг тоглогч гэдгээ харуулсан хэмээн үнэлжээ.
Тэрбээр:
“Микки ван де Вен бол үнэхээр дээд түвшний тоглогч. Ихэнх тоглогч Премьер лигт ирээд өөрийгөө харуулахад тодорхой хугацаа шаарддаг. Гэхдээ түүнд бол шууд л ямар чадвартай тоглогч болох нь мэдрэгдсэн.
Тэр бол үнэтэй нөөц, нас залуу ч гэсэн бусдад итгэл төрүүлдэг тоглогч. Гэмтэлтэй байсны дараа одоо биеэ бүрэн итгэлтэй ашиглаж, эрч хүчтэй тоглох түвшинд хүрсэн байх гэж найдаж байна.
Хурд нь гайхалтай. Түүнд байгаа тэсрэлт бол үнэхээр том давуу тал. Үүн дээр нэмээд бөмбөгтэй ажиллах чадвар нь ч өндөр түвшинд байдаг.
Ван де Вен, Ромеро хоёр бөмбөгтэй итгэлтэй харьцдаг хамгаалагчид. Орчин үеийн хөлбөмбөгт энэ бол маш чухал чанар. Ромеро шугам дамжин дамжуулалт өгч чаддаг бол Ван де Вен бөмбөгөө хөтлөөд довтолгоо эхлүүлдэг. Энэ бол үнэхээр бахархам.
Тэр дундаа Манчестер Юнайтедыг 3-0-ээр хожсон тоглолтод үзүүлсэн тоглолт нь энэ улиралд миний харсан хамгийн гайхалтай тоглолтын нэг байсан” хэмээн онцолжээ.
Tottenham v Manchester United: Line-ups, stats and preview for Europa League final
