Хойд Солонгосын засгийн газрын Тагнуулын Ерөнхий Товчоо (Reconnaissance General Bureau, RGB)-ны хүрээнд шинэ хакерын бүлэг байгуулах гэж байгаа талаар мэдээлжээ.
Хойд Солонгосын талаар мэдээлдэг Daily NK сайтад мэдээлснээр, тус шинэ нэгжийг “227-р судалгааны төв” гэж нэрлэж, “довтолгооны хакердах технологи, програм хөгжүүлэх” судалгаанд төвлөрөх аж.
Эх сурвалжийн мэдээлснээр, 227-р судалгааны төв нь Барууны кибер аюулгүй байдлын систем, компьютерийн сүлжээг судалж, дижитал хөрөнгө хулгайлах чадамжаа нэмэгдүүлэх; мэдээлэл хулгайлах хиймэл оюун ухаанд суурилсан техник боловсруулах; мөн Хойд Солонгосын гадаад дахь хакерын бүлгүүдээс ирсэн мэдээлэлд хариу өгөх чиглэлээр ажиллах аж.
Сүүлийн жилүүдэд Хойд Солонгосын хакерууд дэлхий даяарх криптовалютын биржүүд болон компаниудыг онилж, 1.4 тэрбум ам.долларын хохиролтой Bybit-ийн саяхны хакердсан хэрэг зэрэг томоохон хулгай үйлдсэн гэж үздэг.
АНУ-ын Үндэсний аюулгүй байдлын агентлаг (NSA) болон Холбооны мөрдөх товчоо (FBI) өмнө нь Хойд Солонгосын RGB-г хакердах, тагнуулын үйл ажиллагаа явуулсан гэж буруутгаж байсан.
techcrunch.com
