Өнөө шөнө хойд туйлын гэрлийн үзэгдэл дахин гарч магадгүй
Хойд туйлын гэрлийн үзэгдлийг сонирхогчдод сайхан мэдээ байна: өнөө шөнө дахин үзэгдэж магадгүй юм!
Өчигдрийн хүчтэй G4 ангиллын геомагнит шуургыг та үзэж амжаагүй бол, эсвэл хойд туйлын гэрлийг дахин харах хүсэлтэй байгаа бол, анхааралтай байгаарай: геомагнит шуурганы нөхцөл байдал үргэлжилж магадгүй тул тэнгэрийг хянаж, дохиоллоо залгаарай.
NOAA-гийн Сансрын цаг агаарын урьдчилсан төвийн мэдээлснээр, 6-р сарын 1-ний өдрийн эхний цагуудад корональ масс ялгарал (CME) дэлхийд хүрсэнтэй холбоотойгоор, 6-р сарын 2-ны эхэнд геомагнитын идэвхжил үргэлжилж магадгүй байна. Мөн өндөр хурдтай нарны салхи корональ нүхнээс ирж байгаа тул 6-р сарын 2-ны орой дахин нэг CME дэлхийд хүрч магадгүй юм.
6-р сарын 1-нд дэлхийд хүрсэн нарны шуурга 1,938 км/сек буюу 4.3 сая миль/цаг орчим хурдтай байсан юм. Энэ нь хэд хэдэн CME-ийн материалын нэгдэл учраас бид энэ нөлөөг 24 цагийн турш мэдрэх боломжтой.
Сансрын цаг агаарын физикч Тамита Сков Space.com-д ярьснаар, “Бид эхний бүтцийн “цөм”-д орж байна. Энэ шуурга хэд хэдэн CME-ийн материалын нийлбэртэй учраас нэгээс олон “цөм” тэмдэглэгээтэй байж магадгүй. Тиймээс энэ нь 24 цагийн турш үзэгдэх боломжийг бидэнд олгож магадгүй” гэжээ.
Энэ бүхэн дуусаагүй байна! Бидэн рүү дахин нэг, гэхдээ бага хэмжээний CME ирж байгаа бөгөөд энэ нь 6-р сарын 2 эсвэл 6-р сарын 3-нд геомагнитын идэвхжил үүсгэж магадгүй юм.
6-р сарын 2-нд оройн үед энэ шуурга хүрч магадгүй тул 6-р сарын 3-ныг хүртэл идвэхжил үргэлжилж магадгүй хэмээн Сков Space.com-д ярьжээ. Гэхдээ хойд туйлын гэрлийн магадлал одоо байгаагаас бага байх магадлалтай. 6-р сарын 3-ны үдээс хойш гэхэд G1-G2 түвшний шуурга үзэгдэх магадлалтай гэжээ.
G2 түвшинд хүрвэл, хойд туйлын гэрлийг Нью Йорк, Айдахо зэрэг 55° геомагнит өргөрөгтэй газруудад үзэх боломжтой.
Короно масс ялгаралт хэрхэн геомагнит шуурга үүсгэж, хойд туйлын гэрэл гаргадаг вэ?
Короно масс ялгаралт (CME) нь цахилгаан цэнэгтэй атом буюу ионуудыг агуулдаг. Эдгээр ионууд дэлхийн соронзон оронтой мөргөлдөх үед геомагнитын шуурга үүсгэдэг. Энэ нь дэлхийн соронзон оронд томоохон өөрчлөлт гаргадаг. Ийм шуурганы үед ионууд дэлхийн агаар мандалтай харилцан үйлчилж, гэрэл хэлбэрээр энерги ялгаруулдаг. Энэ гэрлийг хойд өргөрөгт хойд туйлын гэрэл, өмнөд өргөрөгт өмнөд туйлын гэрэл гэж үздэг. Геомагнитын шуургыг G-шкал дээр үнэлдэг бөгөөд энэ нь G1-ээс бага хэмжээний шуургаас G5 хүртэлх маш хүчтэй шуургыг хэмждэг.
Редакторын тэмдэглэл: Хэрэв та хойд эсвэл өмнөд туйлын гэрлийн гайхалтай зургийг авч, Space.com-ын уншигчидтай хуваалцахыг хүсвэл, зураг, санал, нэр болон байршлаа spacephotos@space.com хаягаар илгээгээрэй.
Эх сурвалж:
Aurora alert: Ongoing powerful geomagnetic storm could spark more northern lights across the US tonight
Northern lights may once again be visible deep into mid latitudes tonight as geomagnetic storm conditions continue to wreak havoc with Earth’s magnetic field.
