Tyla 2024 оны Billboard Music Awards-ийн тайзнаа үзүүлбэрээ толилуулах гэж байна.
Энэхүү арга хэмжээг жүжигчин, инээдмийн жүжигчин Мишель Бютю зохион байгуулж, Marriott Bonvoy-оос ивээн тэтгэж байна. Шагнал гардуулах ёслол 2024 оны 12-р сарын 12-нд Пүрэв гарагт, орон нутгийн цагаар 8:00-д (ET/PT) FOX, Fire TV Channels, мөн Paramount+ дээрээс шууд дамжуулагдах юм. Мөн үзүүлбэрүүд Billboard.com, @BBMAs, @Billboard зэрэг албан ёсны сошиал суваг дээр цацагдана. (Монголын цагаар 2024 оны 12-р сарын 13-ны өглөөний 9:00 цагт)
Tyla 2024 оны Billboard Music Awards-д SEVENTEEN, Teddy Swims нартай нэгдлээ
Tyla 2024 оны Billboard Music Awards-т тоглолтоо хийхээр батлагдсан уран бүтээлчдийн эгнээнд SEVENTEEN, Teddy Swims нарын хамт нэгдлээ. Эдгээр уран бүтээлчдийн тоглолтыг шоуны хамгийн анхны онцлох үзүүлбэрүүдээр зарласан билээ.
Tyla-ийн дэлхий нийтийг байлдан дагуулсан хит дуу “Water” энэ оны 1-р сард Billboard Hot 100 жагсаалтын 7-р байрт бичигдсэн. Дараагийн сард уг дуу нь “Грэмми” шагнал гардуулах ёслолд анх удаа гардуулсан Шилдэг Африкийн хөгжмийн үзүүлбэр төрөлд түрүүлжээ. Түүний анхны цомог Tyla 4-р сард Billboard 200 жагсаалтын 24-р байрт орсон байна.
Tyla энэ жилийн Billboard Music Awards-ийн найман төрөлд нэр дэвшиж, финалд тунаж үлджээ. Тодруулбал:
- Шилдэг R&B уран бүтээлч
- Шилдэг R&B эмэгтэй уран бүтээлч
- Шилдэг афробийт уран бүтээлч
- Шилдэг R&B цомог (Tyla)
- Шилдэг R&B дуу
- Шилдэг афробийт дуу (Truth or Dare, Water, болон Jump [Gunna, Skillibeng-тэй хамтарсан дуу]).
Өмнө нь зарласан мэдээллээр Zach Bryan, Taylor Swift, Morgan Wallen, болон Sabrina Carpenter нар 2024 оны Billboard Music Awards-ийн тэргүүлэх нэр дэвшигчид болоод байгаа.
Энэ жилийн Billboard Music Awards нь FOX сувгаар эргэн хүрэх бөгөөд уг суваг 1990 онд анх гарч эхэлсэнээс 2006 он хүртэл шагнал гардуулах ёслолыг хариуцан гаргаж байжээ. Мөн Paramount+ платформ үзэгчдэд шаардлагатай үед үзэх боломжийг олгох бол Fire TV Channels аппликейшнээр дамжуулан Amazon-ийн төхөөрөмж хэрэглэгчид үзэх боломжтой.
Энэхүү шоу нь хөгжмийн ертөнцийн хамгийн том амжилтуудыг онцлох бөгөөд зөвхөн энэхүү шагнал гардуулах ёслолд зориулсан тусгай тоглолтууд, уран бүтээлчдийн ярилцлагууд болон шагнал гардуулах ёслолыг дэлхийн өнцөг булан бүрээс, дүүрэн заал бүхий тоглолтын орчноос дамжуулах юм. Shaboozey Marriott Bonvoy группийн нэг хэсэг болох W Hollywood-с тусгай тоглолт үзүүлэхээр төлөвлөжээ. Нэмэлт уран бүтээлчид болон тусгай зочдыг удахгүй зарлах юм.
Billboard Music Awards-ийн нэр дэвшигчид болон ялагчдыг Billboard-ийн жилийн эцсийн үзүүлэлтэд суурилан, тухайн жилийн хамгийн шилдэг уран бүтээлчид, цомгууд, дуунууд, продюсерууд, дуу зохиогчдыг олон төрлөөр үнэлдэг. Энэ жилийн шалгаруулалтанд хамрагдах хугацаа нь 2023 оны 10-р сарын 28-аас 2024 оны 10-р сарын 19-ний хоорондох хөгжмийн хэрэглээг хэмжсэн үзүүлэлтэд тулгуурласан.
Энэхүү арга хэмжээг MRC-ийн эзэмшдэг dick clark productions зохион байгуулдаг бөгөөд MRC болон Penske Media нь Billboard-ийн хамтын эзэмшигчид юм.
billboard.com
