Японы муурын арал байхгүй болно | News.MN (news.mn)
Япон улс муурны арлаараа алдартай. Тодруулбал, тус улсын 10 орчим жижиг арал нь золбин муур олонтой тул ийн нэрлэгдэх болжээ. Тэр дундаа Эхимэ мужийн Озү хотын эргээс холгүй байрлах Аошима арал хамгийн алдартай. Гэвч Аошима арал ойрын хэдэн жилийн дотор бүх муураа байхгүй болгоно гэж саяхан зарлалаа. Яагаад гэвэл тус арал 13-хан оршин суугчтай атлаа 130 мууртай. Арлын оршин суугчдын дундаж наслалт 75. Тиймээс өндөр настай 13 хүн ийм олон муурыг харж хандаж чадахгүй гэж үзсэн тул дээрх мэдэгдлийг гаргажээ.