Миний хумс мөөгөнцөртсөн. Хавдар тусах ойрхон байсан (time.mn)
Шинэ жилийн баярт зориулан, хумсаа будуулах цаг авах гэтэл миний байнга үйлчлүүлдэг салон үйлчлүүлэгчээр дүүрэн, надад өгөх цаг үлдээгүй бөйлаа. Гэрийнхээ ойролцоох салонд ороод, хумсаа будуулчихлаа. Баярын дараанаас миний хумс нэг л биш болов. Хурууны арьс бага багаар хууларч, хумс хөндийрөн, зай гарч эхэллээ. Тэр үед л эмч рүү явах байсан юм. Зүгээр байх гэж бодоод, хумсаа үргэлжлүүлэн будуулаад байсан минь алдаа болов. Тэгэх тусам хумс маань улам хачин болж байв. Будуулаад, хэт ягаан туяанд хумсаа шарснаас 10-20 минутын дараа гарын хуруунаас ус шүүрч, биржгэр юм гаран, хавддаг боллоо. Тэр бүрт би нэг их тоолгүй, яваад л байлаа.