OpenAI компани ChatGPT Plus үйлчилгээний хэрэглэгчдэд зориулан гаргасан том хэлний загвар (LLM) болох ChatGPT-4o-д “уран зохиолын бичлэг”-ийн далд шинэчлэл хийжээ.
OpenAI X платформд хийсэн богино жиргээндээ энэхүү шинэчлэлийг “Загварын уран зохиолын бичих чадвар шинэ түвшинд гарч, бичлэг нь илүү байгалийн, сонирхолтой, хэрэглэгчийн хэрэгцээнд илүү нийцсэн болж, уншихад ойлгомжтой болсон” гэж тайлбарласан байна.
Мөн OpenAI-ийн зүгээс шинэ ChatGPT-4o загвар нь оруулсан файлуудтай илүү сайн ажиллаж, илүү гүнзгий ойлголт өгч, нарийвчилсан хариулт өгч чаддаг гэж мэдэгдсэн. ChatGPT өмнө нь файлуудыг оруулж шинжлэх чадвартай байсан бөгөөд ялангуяа хүснэгтэн мэдээлэл эсвэл зураг оруулахад үр дүнтэй ажилладаг байсан билээ.
ChatGPT-4o одоо Эминемтэй өрсөлдөх түвшинд хүрлээ
ChatGPT үргэлж уран бүтээлчээр бичихэд сайн байсан. Хэдхэн сонирхолтой дүр нэмээд, үлгэр яриул гэхэд л гайхалтай түүх зохиож өгдөг. Ялангуяа орой унтахын өмнө хүүхдэдээ үлгэр зохиох хэрэгтэй эцэг эхчүүдэд маш хэрэгтэй. Харин энэ шинэ шинэчлэл нь түүнийг бүр ч илүү болгосон байна.
Бичгийн чанарыг сайжруулсан шинэчлэлийг хэмжихэд хэцүү ч, хэрэглэгчдийн хариу үйлдэл эерэг байгаа бололтой. X платформ дээр @kyleshannon хэрэглэгч “@OpenAI, таны @ChatGPTapp 4o-ийн өнөөдрийн ‘уран бичлэгийн’ шинэчлэл үнэхээр ГАЙХАМШИГТАЙ байна!” гэж жиргэжээ.
Өөр нэг хэрэглэгч, Кайл, ChatGPT-4o-г Эминемтэй өрсөлдөх түвшинд хүрсэн гэж үзэж, рэп үг зохиохдоо ингэж бичжээ:
“Сүүлийн хоёр жилийн турш миний туршилтын асуулт үргэлж ‘квант механикийн талаар Эминемийн хэв маягаар рэп бич’ гэсэн хувилбар байсаар ирсэн. ChatGPT үүнд үргэлж хамгийн сайн байсан ч, Эминемийн нарийн дотоод рифмийн бүтцийг яг таг гаргаж чадсан хиймэл оюуны загвар урьд нь байгаагүй. Харин одоо бол өөр хэрэг.”
Хэрэв та ChatGPT-4o-ийн квант механикийн талаар Эминемийн хэв маягаар бичсэн рэпийг уншихыг хүсвэл энэ жиргээндээс үзэж болно:
Hey @OpenAI your @ChatGPTapp 4o "Creative Writing" upgrade today is INSANE!
— Kyle Shannon 🍓 (@kyleshannon) November 20, 2024
My test prompt for two years has been some version of "write an Eminem style cipher about quantum mechanics."
ChatGPT has always been the best at this, but NO LLM has ever captured the sophisticated… pic.twitter.com/XJIlXF98jL
Зөвхөн ChatGPT Plus хэрэглэгчдэд
ChatGPT-4o-ийн “уран бичлэг”-ийн шинэчлэлийг ашиглахын тулд танд тусгай зүйл хийх эсвэл ямар нэгэн зүйл суулгах шаардлагагүй. Бүх зүйл системийн ард автоматаар явагддаг тул Chat.com руу ороод хүссэн зүйлээ бичүүлэхэд л хангалттай.
Тэмдэглэл: Энэ шинэчлэл ChatGPT-ийн үнэгүй хувилбар хэрэглэгчдэд хамаарахгүй бөгөөд үнэгүй хэрэглэгчид ChatGPT-4-ийн хуучин загвараар хязгаарлагддаг.
