ESL байгууллага IEM Dallas тэмцээний эхний өдрийн хуваарийг зарлалаа. Тэмцээн FaZe болон Liquid багуудын сонирхол татам тоглолтоор нээлтээ хийх гэж байна.
Энэ тоглолт нь Украины од тоглогч Oleksandr “s1mple” Kostyliev-ийн FaZe багт түр хугацааны зээлээр нэгдсэн анхны тоглолт болох юм. Тэрбээр Austin Major тэмцээн дуустал FaZe-д тоглох бөгөөд өмнө нь Falcons багийн бүрэлдэхүүнд багтаж, Shanghai Major тэмцээний Европын RMR шатанд оролцсон билээ.
FaZe багийн гишүүн Håvard “rain” Nygaard хоёр дахь хүүхдээ угтах гэж байгаа тул тэмцээнд оролцох эсэх нь одоогоор тодорхойгүй байна. Тиймээс FURIA багийн сэлгээний тоглогч Felipe “skullz” Medeiros-ийг багийн бүрэлдэхүүнд орлуулагчийн хувиар бүртгүүлсэн бөгөөд шаардлагатай тохиолдолд түүний оронд тоглохоор бэлэн байгаа.
ESL-ээс гуравдугаар сард мэдээлснээр, PGL Astana тэмцээний хагас шигшээд шалгарсан багууд (Aurora болон FURIA) IEM Dallas тэмцээний эхний өдрийн хамгийн сүүлийн цагийн тоглолтод тоглохоор товлогджээ. Эдгээр багууд PGL Astana тэмцээний хагас шигшээд хожигдсон ч ням гарагт тоглох шаардлагатай бөгөөд IEM Dallas тэмцээнд бэлтгэх зав багатай үлдэж байна.
Aurora болон FURIA багууд тавдугаар сарын 19-ний 01:45 цагт Даллас хотод газардахаар төлөвлөж байгаа бөгөөд энэ нь Бразилын баг болох FURIA “The MongolZ”-той, харин Туркийн баг HEROIC-тай тоглох товлосон цагаас бараг зургаан цагийн өмнө юм.
Доор эхний өдрийн тоглолтын хуваарийг танилцуулж байна:
From @s1mpleO's return to seeing if @TeamVitalityCS can continue their winstreak 👀
— ESL Counter-Strike (@ESLCS) May 16, 2025
The #IEM Dallas 2025 day 1 schedule is here!
Are you ready? 🤠 pic.twitter.com/VlsEmqTR1W
hltv.org
