Энэхүү төсөл нь Италийн шинжлэх ухаан, технологийн тэргүүлэх их сургууль болох Politecnico di Milano болон Үндэсний Тогтвортой Хөдөлгөөний Төв (MOST)-тэй хамтран хэрэгжих юм. Тэд хамтдаа MC20 Cielo загварыг шинэчилсэн хиймэл оюун ухаанд суурилсан автомат жолоодлоготой технологиор тоноглож, бодит хэрэглээнд нэвтрүүлэхийг зорьж байна.
Maserati спорт машиндаа хиймэл оюун ухааныг аль хэдийн ашиглаж эхэлжээ
Өмнө нь MC20 Coupe загвар автомат жолоодлогын чадвараа баталсан юм. 2023 болон 2024 оны Mille Miglia уралдааны үеэр энэ загвар замын тодорхой хэсгийг бүрэн автомат жолоодлогоор туулсан байна. Хэдийгээр хөтлөгч Маттео Марцотто уралдааны дүрмийн дагуу машинд байлцсан ч, AI удирдлагын үед ямар ч оролцоо хийгээгүй юм.
2024 оны 11-р сард Maserati компани MC20 Coupe загвараа Piacenza-San Damiano нисэх буудалд өтгөн манан дунд өндөр хурдны туршилт хийсэн байна. Энэхүү туршилтаар хүн хяналтгүйгээр, автомат спорт машин 285 км/цаг (177.09 миль/цаг)-ийн дээд хурдыг үзүүлжээ.
“Энэ туршилтын зорилго нь робот жолоочийн хариу үйлдлийг хүнд нөхцөлд шалгах явдал юм” гэж төслийн шинжлэх ухааны удирдагч, Politecnico di Milano их сургуулийн Электроник, Компьютерийн шинжлэх ухаан, Биоинженерчлэлийн тэнхимийн захирал Сержио Маттео Саварези хэлсэн байна. “Энэ нь автомат жолоодлоготой технологийн аюулгүй байдал, найдвартай байдлыг сайжруулахад тусална.”
MC20 Coupe Indy Autonomous Challenge тэмцээнд оролцоно
Энэхүү MC20 Coupe загвар нь 2025 оны 1-р сарын 9-нд Лас Вегасын Indy Autonomous Challenge тэмцээнд Safety Car (аюулгүйн машин)-ын үүрэг гүйцэтгэнэ. Уг тэмцээнд дэлхийн 10 их сургуулийн багууд автомат уралдааны машинуудаа өрсөлдүүлж, үзэгчдэд “AI технологийн өндөр хурдны авто спортод хэрхэн хөгжиж байгааг” харуулах болно.
Шинэчилсэн автомат жолоодлоготой MC20 Cielo загварыг өөрийн нүдээр үзэхийг хүсвэл Лас Вегасын Конвенцийн төвийн West Hall-д байрлах Италийн Худалдааны Агентлаг (ITA) болон ANFIA-ийн үзэсгэлэнд очиж үзэх боломжтой.
Дүгнэлт
Автомат жолоодлогын технологийг Tesla-аас өөр компани хөгжүүлж байгааг харахад урамтай санагдаж байна. Өрсөлдөөн нь компаниудыг илүү чанартай, дэвшилтэт бүтээгдэхүүн бүтээхэд түлхэц өгдөг. Maserati автомат такси үйлчилгээ нэвтрүүлбэл, MC20-д сууж ажилдаа явахыг хэн ч хүсэхгүй гэж үү?
autoblog.com
