UEFA Атлетико клубийг хожсоны дараа Реал Мадридын дөрвөн тоглогчийн зан авирыг шалгахаар болжээ.
Мадридчууд хоёрдугаар сарын 16-ны шөвгийн 16-ийн хариу тоглолтод Метрополитано цэнгэлдэхэд 1:0-ээр хожигдсон ч торгуулийн цохилтоор 4:2-оор ялалт байгуулсан. Ялалтын цохилтыг Антонио Рюдигер амжилттай гүйцэтгэжээ.
Тоглогчид өрсөлдөгчийнхөө хөгжөөн дэмжигчдийнх нь өмнө баяраа хэтрүүлэн тэмдэглэсэн бөгөөд үүнээс үүдэн тэдний зүг рүү элдэв зүйл шидэгдсэн байна.
Рюдигер камерын өмнө хоолой зүсэх хөдөлгөөн хийж, Килиан Мбаппе бэлэг эрхтнээ барьсан нь бичигджээ. Винисиус Жуниор Атлетикогийн хөгжөөн дэмжигчидтэй маргаан үүсгэсэн бол Себальос бүдүүлэг үйлдэл гаргасан аж.
— nikolas media (@nikolasmedia3) March 27, 2025
UEFA-гаас гаргасан мэдэгдэлд:
“2025 оны гуравдугаар сарын 12-нд болсон UEFA Аваргуудын лигийн шөвгийн 16-гийн тоглолтын үеэр Реал Мадридын тоглогчид (Антонио Рюдигер, Килиан Мбаппе, Дани Себальос, Винисиус Жуниор) ёс зүйгүй авир гаргасан гэх асуудлыг мөрдөн шалгахаар UEFA-гийн Ёс зүй, сахилгын байцаагч томилогдлоо. Энэ асуудлын талаар нэмэлт мэдээлэл удахгүй өгөх болно” гэжээ.
Реал Мадридын өрсөлдөгч нь шөвгийн наймд Арсенал байх бөгөөд хэрэв дээрх дөрвөн тоглогч буруутай нь тогтоогдвол тоглолтоос хасагдах эрсдэлтэй.
Арсенал Реал Мадридыг дөрөвдүгээр сарын 8-нд Эмирейтс цэнгэлдэхэд хүлээн авах бол хариу тоглолт долоо хоногийн дараа Испанид болно.
101greatgoals.com
