Дуэйн “Хад” Жонсон ирэх Moana 2 кинонд Мауигийн дүрийг бүтээх ч, Диснейн хагас бурхан байсан ч Тэйлор Свифтийн түүхэн амжилттай “Eras” аялан тоглолтын тасалбарыг олоход хэцүү байжээ.
Жүжигчин Entertainment Tonight-д өгсөн ярилцлагадаа анх удаа “Танил тал, холбоо харилцаагаа ашиглаж” тасалбар авч чадсан гэдгээ хэлсэн байна.
“Миний карьерт хэзээ ч ийм зүйл тохиолдож байгаагүй,” гэж тэр хэлээд, “Найз маань надад хандаж, тасалбар авахад туслах боломж байгаа эсэхийг асуусан. Ер нь би ингэж холбоо харилцаа ашиглах шаардлагагүй байдаг. Би зүгээр л… асуудлыг шийддэг” гэжээ.
Тэр цааш нь, “Би хэзээ ч ийм зүйл хүсэж чаддаггүй. Харин бусдад туслахдаа сайн. Хүсэлт тавихыг үнэхээр үзэн яддаг. Би хийдэггүй, гэхдээ энэ тохиолдолд багахан дуудлага хийсэн. Тэйлор энэ бүхнийг боломжтой болгосон” гэж нэмж хэлжээ.
Тасалбар авахад хэцүү байсан цорын ганц хүн Жонсон биш байв. 2022 оны 11-р сард Ticketmaster-ын тасалбар борлуулалтын эмх замбараагүй байдалд орсны улмаас 100,000 гаруй Swifties онлайнаар оочирлох явцад бот-уудын халдлагад өртөн хасагдсан бөгөөд үүнд Тэйлор Свифт өөрөө ч бухимдлаа илэрхийлж, компанийг буруутгаж байсан юм.
Свифт одоогоос бараг арван өдрийн дараа Eras аялан тоглолтынхаа сүүлийн гурван тоглолтыг 12-р сарын 6-наас эхлэн Канадын Ванкувер хотын BC Place-д хийх гэж байна.
“Сэтгэл хөдлөл маань багийн бусад гишүүдийнхээ хамтаар маш өндөр түвшинд хүрсэн, учир нь бидний дараагийн зогсоол Eras аялан тоглолтын сүүлчийнх гэдгийг бүрэн ухамсарлаж эхэллээ. Энэ бол миний амьдралын хамгийн гайхамшигтай бүлгийн төгсгөл байх болно. Удахгүй уулзъя, Ванкувер. Бид та бүхэндээ зориулж үлдсэн гурван тоглолтдоо бүхнээ зориулна” хэмээн инээмсэглэж буй уйлсан эможи хавсарган, Инстаграм дээр бичжээ.
www.billboard.com
