Лука Дончич өнгөрсөн сард хийгдсэн томоохон наймааны дараа Лос Анжелес Лэйкерс багийн бүрэлдэхүүнд сайн уусаж байна. Тэрээр Лос Анжелест өнгөрүүлсэн есөн тоглолтдоо дунджаар 22.9 оноо, 8.2 самбар, 7.7 оновчтой дамжуулалт гүйцэтгэж, Лэйкерсийг 39-21 амжилттайгаар Баруун бүсийн хоёрдугаар байранд авчрахад чухал нөлөө үзүүллээ.
Словени тоглогч шинэ багийнхаа хамт олонтой хэрхэн ойлголцож буй талаар сэтгэгдлээ хуваалцав. “Бидний ойлголцол улам сайжирч байна” гэж Дончич сэтгүүлч Райан Уордод ярьжээ. “Та бүхэн Гортатын хаалтыг харсан байх. Би өнгөрсөн тоглолтын дараа [Трей Жемисон]-д ‘Хэрэв ингэж хийгээд өгвөл надад боломж гарах болно’ гэж хэлсэн.”
26 настай хамгаалагч багийн дотоод харилцаа, харилцан ойлголцлын чухлыг онцлон дурдсан юм. “Юу таалагддаг, юу нь үр дүнтэй вэ гэдгийг хоорондоо ярилцах нь чухал. Бидний хувьд хамгийн гол нь хожил авах” хэмээн Дончич тайлбарлажээ. Түүний энэ хандлага багт шууд нөлөөлж, Лэйкерс долоон дараалсан хожил байгуулж, оргил амжилт үзүүлж байна.
Luka on Lakers teammates adjusting to his style of play: “Yeah, I think it's getting better and better. You saw the Gortat screen. I told [Trey Jemison] last game, if you do that, it's gonna be open there for me. So, he was unselfish and did that. Also, when I talk about cutting…
— Ryan Ward (@RyanWardLA) March 5, 2025
Гэсэн ч Дончич хийх зүйл их байгааг онцолжээ. “Олон зүйл дээр ажиллах хэрэгтэй. Би илүү довтлох ёстой. Хэмнэлдээ бүрэн ороогүй байна” гэж тэр хэлээд “Гэхдээ эцсийн эцэст бидний зорилго бол хожих. Одоогоор бид үүнийгээ хэрэгжүүлж байгаа, гэхдээ тайвширч болохгүй” хэмээн нэмж хэлсэн юм.
Luka on what the Lakers still have to work towards this win streak:
— Ryan Ward (@RyanWardLA) March 5, 2025
“A lot. I think I got to drive more. I'm still getting that rhythm, but in the end of the day, it's about winning games, and we're doing that now, and we can't relax at all.”
Лэйкерсийн Нью Орлеанс Пеликансийг 136-115 харьцаагаар бут ниргэсэн тоглолтод Дончичийн тоглолт багийн ялалтад чухал нөлөө үзүүлэв. Тэрээр 30 оноо авч, 15 оновчтой дамжуулалт өгч, 8 самбар авсан бол Леброн Жэймс 34 оноо авч, Лэйкерсийн баруун бүсийн тэргүүлэгч багуудын нэг болох байр суурийг улам баталгаажууллаа.
Дончичийн нэгдсэнээр Лэйкерсийн довтолгоо илүү хүчирхэг болж байгаа бөгөөд Жэймс 34 оноо авснаар нийт плей-офф болон үндсэн улирлын нийлбэр 50,000 оноо давж, шинэ амжилт тогтоолоо. Тэдний хамтын ажиллагаа, өндөр оноо авалтын тоглолт нь Лэйкерсийг лигийн хамгийн аюултай багуудын нэг болгож байна.
Лэйкерс Дончичийг элсүүлснээс хойш 11 хожиж, 2 удаа ялагдаад байгаа бөгөөд түүний багийн тоглолтод хурдан уусаж, үр дүнтэй тоглолт үзүүлж буй нь тэднийг Баруун бүсийн дээгүүр өрсөлдөөнд оруулж байна. Түүнчлэн, бэртэлтэй байсан Остин Рийвс, Рүй Хачимүра нар удахгүй эргэн ирэх төлөвтэй байгаа нь Лэйкерсийг плей-оффт хүчтэй өрсөлдөх боломжтой баг болгож байна.
Лэйкерсийн цаашдын амжилтад Дончичийн дасан зохицол, Жэймс болон багийн бусад гишүүдтэйгээ улам сайжрах ойлголцол чухал үүрэг гүйцэтгэх нь дамжиггүй.
talkbasket.net
