Энэ улиралд 17 дахь ялагдлаа хүлээсэн Юнайтед сүүлийн 50 гаруй жилд тохиогоогүй тааруу амжилтаа үзүүлж байна. Өмнөх тоглолтоороо багахан сэргэлт үзүүлсэн ч энэ удаад Рубен Аморимийн олон сэлгээтэй бүрэлдэхүүн дахин уналтад орж, улирлын ээлжит цохилтыг хүлээж авлаа.
Вест Хэмийн талаас Томаш Соучек, Жаррод Боуэн нар гоолдож, найман тоглолт дараалан хожиж чадаагүй цувралаа зогсоон, хүснэгтэд Манчестер Юнайтед болон Тоттенхэмийг ардаа орхилоо.
We are beaten at Old Trafford.#MUFC || #MUNWHU
— Manchester United (@ManUtd) May 11, 2025
Сэлгээ ямар ч үр дүн авчирсангүй — Манчестер Юнайтед талбайдаа бүрэн ялагдал хүлээлээ
Европа лигийн шигшээд шалгарахад том хувь нэмэр оруулсан хоёр гоолын баатар Мэйсон Маунтыг гараанд оруулан, Рубен Аморим энэ тоглолтод нийт зургаан өөрчлөлт хийсэн ч сэлгээний нөлөө огт мэдрэгдсэнгүй. Тоглолтын эхэнд Амад Диалло идэвхтэй байж, Юнайтед илүү санаачилгатай эхлүүлсэн ч 26 дахь минутад Томаш Соучек Вест Хэмийг тэргүүлүүлж, хоёрдугаар үеийн 12 дахь минутад Жаррод Боуэн онооны зөрүүг хоёр болгож, Грэхэм Поттерын багт үнэтэй ялалт авчирлаа.
Диалло тоглолтын дөрөв дэх минутад Бруну Фернандешид гоолын боломж бүрдүүлж, өөрөө ч хаалганы дотор бүсээс цохиолт хийсэн ч Альфонс Ареолад амархан хаалгав. Харин энэ хоёр довтолгооны хооронд Жэймс Уорд-Праусын онцлогт тохирсон эргэлттэй чөлөөт цохилтыг Макс Килман толгойгоор мөргөсөн ч хаалганы торонд хүрсэнгүй.
18 минутын дараа Соучек илүү үр дүнтэй тоглож, гоолын салхийг хагалсан. Манчестер Юнайтедын хуучин хамгаалагч Аарэн Уан-Биссака довтолгоог эхлүүлж, Мохаммед Кудус руу дамжуулсан бол Чех хагас хамгаалагч доогуур ирсэн дамжуулалтыг уран мэдрэмжтэй гүйцэтгэж гоол оруулсан юм.
Хойлунд боломжоо үр дүн болгохгүй хэвээр
Расмус Хойлунд эхний хагаст хоёр ч боломжийг алдав. Эхнийх нь Диаллогийн сайн тоглолтын үр дүнд бүрдсэн ч хаалганы дээгүүр цохиж, дараагийнх нь Килманы анхаарлаас мултарсан ч хаалганы хажуугаар өнгөрөв.
Хоёрдугаар үе эхлэхэд Вест Хэм дахиад нэг гоол хийх боломжтой байсан ч Уорд-Праусын цохилт сул гарсан тул Алтай Байындир амархан барьсан. Удалгүй Ленни Йоро бэртэл авч, шалан дээр унаж, эмнэлгийн багийнхны хамт шууд хувцасны өрөө рүү алхсан нь түүнийг тоглолтод эргэж орж ирэхгүйг илтгэв.
Гэсэн ч Юнайтед 54 дэх минутад бараг тэнцүүлэх шахсан. Диалло торгууль авахыг оролдсон ч шүүгч Жарред Гиллетт тоглолтыг үргэлжлүүлсэн бөгөөд Маунтын хаалга руу чиглүүлсэн цохилтыг Ареола дахин хаав. Харин дараагийн довтолгооны үеэр Мануэль Угартэ бөмбөгөө хагас хамгаалалтад алдаж, Кудус ба Уан-Биссака нарын хоршил дахин үр дүн өгч, энэ удаа Боуэнд дамжуулсан бөмбөгийг тэр алдалгүй гоол болгосон.
Ареола Хэммерсийн хамгаалалтын тулгуур болов
Тоглолтын төгсгөлд Юнайтед бүх хүчээ дайчлан довтолсон ч Ареолагийн амжилттай хаалтаас болж тоонд нөлөөлж чадсангүй. Сэлгээгээр орж ирсэн Алехандро Гарначо хаалганы хажуу торонд онох, Хойлунд толгойгоор, улмаар хөлөөр цохих хоёр оролдлого нь тус тус Ареолагийн хаалтыг даваагүй. Харин Харри Магуайрын толгойн цохилт хаалганы дэргэд өнгөрч, сүүлд нь дахин нэг цохилтыг Ареола гайхалтай хаав. Үүний дараа Виктор Линделёфийн ойролцоо буусан бөмбөг ч хамгаалалтад хаагдаж, Юнайтедын сүүлчийн найдвар замхарсан юм.
Эцэст нь Юнайтедын дайралт эрчээ алдсан бөгөөд тоглолтын төгсгөлд Уорд-Праус гурав дахь гоолыг хийх дөхсөн ч Байындир сайн хаалтаар багтаа аврагч болов.
101greatgoals.com
