Барселонагийн дасгалжуулагч Ханси Флик өсвөрийн суут авьяастан Ламин Ямалыг Интер Миланы эсрэг гайхамшигтай тоглолт үзүүлснийх нь дараа магтан ярьжээ. Уг тоглолт Аваргуудын лигийн хагас шигшээ эхний тулаан байсан бөгөөд хоёр баг оноо тэнцүүлсэн сэтгэл хөдөлгөм тоглолт 3:3 харьцаагаар өндөрлөв.
Ямал Барселонад зориулсан 100 дахь тоглолтоо хийхдээ нэг гайхалтай гоол оруулж, хоёр ч удаа хаалганы хөндлөвч оноход тун ойртсон юм. Энэ шөнө Маркус Тюрам, Рафинья нар ч мөн түүхэнд бичигдлээ.
“Ламин бидэнд дагах ёстой замыг харууллаа” хэмээн тоглолтын дараа Флик онцолжээ. “Багтаа маш их баяртай байна. Эцсээ хүртэл тэмцэх ёстой.”
Just imagine these two in the same side 💭 pic.twitter.com/vV98Euygda
— Football on TNT Sports (@footballontnt) April 30, 2025
Тюрам тоглолтын эхний 30 дахь секундэд гоол оруулснаар Аваргуудын лигийн хагас шигшээ тоглолтын түүхэн дэх хамгийн хурдан гоолын эзэн болов. Удалгүй Дензел Дамфрис гайхалтай дөнгөөрхөн цохилтоор Интерийн давуу байдлыг нэмэгдүүлэв. Харин Ямал Интерийн хамгаалалтыг сүлжин өнгөрч, гоолын булан руу мушгиж цохилсноор онооны зөрүүг багасгав.
Идэвхтэй тоглолт үзүүлсэн Ямалыг дагаад Ферран Торрес Рафиньягийн дамжуулалтаар гоол оруулан тэнцээ авчирсан юм. Энэ нь Рафиньягийн Аваргуудын лигийн энэ улирлын 20 дахь гоол болон дамжуулалтын хувь нэмэр болж, нэг улиралд хамгийн их хувь нэмэр оруулсан Барселонагийн тоглогчоор Лионель Мессиг давсан үзүүлэлт боллоо.
Хоёрдугаар үед Дамфрис дахин гоол оруулж, Интер тэргүүллийг авч байсан ч Рафиньягийн хүчтэй цохилт хаалганы хөндлөвчийг онон, хаалгачаар дамжин орох үед оноо дахин тэнцсэн юм.
Интерийн хувьд нэг гоол хөлийн байрлалын улмаас тооцогдоогүй. Гэсэн ч энэ үдэш Ямалынх байсан ба Барселона гурав дах цомын улиралд тэмцлээ үргэлжлүүлсээр байна.
Гэсэн ч Флик өрсөлдөгчөө чухал аюул гэдгийг хүлээн зөвшөөрчээ.
“Эцсийн эцэст энэ бол Аваргуудын лигийн хагас шигшээ. Бүх баг маш хүчтэй. Интер туршлагатай баг, өнөөдөр үүнийгээ баталлаа. Тэд өндөр биетэй 4-5 тоглогчтой бөгөөд стандарт нөхцөлд давуу байлаа. Бидний хувьд эхний хагас хэлбэлзэлтэй байсан ч хоёрдугаар хагас гайхалтай болсон. Миланд бид шигшээ тоглолтын өмнөх шигшээ тоглолт хийх болно” хэмээн Барселонагийн дасгалжуулагч нэмж хэлжээ.
Барселона хариу тоглолтоо ирэх Мягмар гарагт Милан хотын Сан Сиро цэнгэлдэхэд хийх юм.
