Жүжигчин Шарлиз Терон “The Old Guard 2” киноны хэвлэлийн аянгаа эхлүүлж, “Jimmy Kimmel Live!” нэвтрүүлэгт оролцох үеэрээ Ума Турман-ы талаар сэтгэл хөдөлгөм үгс хэлжээ. Энэхүү Netflix-ийн шинэ тулаант кинонд Терон өөрийнх нь бахархдаг нэгэн баатартай, Турмантай нүүр тулан тоглох юм.
“Бид өмнө нь нэг их сайн танил байгаагүй ч би түүний уран бүтээлд үнэхээр дуртай байсан. Тиймээс үргэлж хамт ажиллахыг хүсдэг байлаа,” хэмээн Терон ярив. “Би тулаант кинонд анх орж ирэхэд, тэр надад яг л сенсэй шиг санагддаг байсан. Тэр бол жинхэнэ эхлүүлэгч.”
Тэрээр Квентин Тарантино найруулсан “Kill Bill Vol. 1” (2003) ба “Kill Bill Vol. 2” (2004) кинонуудад Турман бүтээсэн “The Bride” дүрийг хэлж байгаа юм. Харин Терон 2005 онд “Æon Flux” киногоор тулаант төрлөөс эхлэн “Hancock,” “Mad Max: Fury Road,” “Atomic Blonde” зэрэг бүтээлүүдэд тоглож, нэр хүндтэй болжээ.
“Турман ‘Kill Bill’ кинонд тоглосныхоо төлөө Оскар авах ёстой байсан биз дээ?” хэмээн Киммел асуухад,
“100 хувь тийм. Ийм төрлийн кинонд ер нь ихэнхдээ эрэгтэй жүжигчдийг л үнэлдэг. Гэхдээ Умагийн хийсэн зүйл үнэхээр гайхалтай байсан,” хэмээн Терон хариулжээ.
“The Old Guard 2” кинонд Турмантай тулаант хэсэгт хамтарч ажиллах нь ямар байсан талаар тэрээр:
“Надад үнэхээр айдас төрсөн. Учир нь тэр бол жинхэнэ ‘badass’. Би тулаант кинонд ороод хэнтэй хамт ажилламаар байна гэж үргэлж боддог байсан. Үргэлж Ума Турман байсан. Үргэлж,” хэмээн сэтгэл хуваалцсан байна.
Netflix-ийн “The Old Guard” кино анх 2020 оны зун гарсан бөгөөд эхний дөрвөн долоо хоногт 72 сая өрх үзсэн амжилттай байжээ. Үргэлжлэл кинонд Шарлиз Тероны хамт анхны жүжигчдийн бүрэлдэхүүн болох KiKi Layne, Matthias Schoenaerts, Marwan Kenzari, Chiwetel Ejiofor нар эргэн ирж буй бол Ума Турман болон Хенри Голдинг нар шинээр нэгдэж байна.
Тероны бүтэн ярилцлагыг “Jimmy Kimmel Live!” нэвтрүүлгээр доорх бичлэгээс үзнэ үү.
variety.com
