TMZ-ийн мэдээлснээр, Нельсон даваа гаргийн орой Миссури мужийн Сент Жозеф хотод уушгины хорт хавдрын хожуу шаттайгаа тэмцэж байхдаа нас барсан байна.
Дебби Нельсон, 2005 оны есдүгээр сард.
Есдүгээр сард гарсан мэдээллээр, Нельсоныг уушгины хорт хавдрын “эдгэрэшгүй шатанд орсон” бөгөөд удаан наслах боломжгүй гэжээ.
“Деббид төдийлөн олон сонголт үлдээгүй” хэмээн нэгэн эх сурвалж In Touch сэтгүүлд ярьжээ. “Тэр одоогоор хорт хавдрын төв болон гэр бүлийнхэнтэйгээ ээлжлэн байрлаж байна. Түүнд тун бага хугацаа үлдсэн.”
Эминем болон түүний ээж.
Мэдээлэгчийн хэлснээр, 52 настай Эминем ээжтэйгээ олон жилийн турш ярилцаагүй ч санхүүгийн хувьд дэмжиж байсан гэнэ.
“Түүний ойр дотнын хүмүүс ч Эминем ээжийнх нь байдал ямар байгаа талаар мэдэж байгаа эсэхийг баттай хэлж чадахгүй байна” гэж эх сурвалж дурджээ. “Тэр ээждээ сайн хүн. Санхүүгийн хувьд ээжийгээ анхаарч, дэмжиж байгаа ч тэд төдийлөн ярилцдаггүй. Харилцаа холбоо тогтоох нь тэдний аль алинд нь хэрэгтэй байх байсан. Энэ нөхцөл байдал тэднийг эвлэрэх боломж олгож болох юм.”
Эминем. The Rock and Roll Hall of Fame
Нельсон 1972 оны аравдугаар сард Эминем (жинхэнэ нэр нь Маршал Брюс Матерс III)-ийг төрүүлэхдээ дөнгөж 18 настай байжээ. Тэр Эминемийг ахлах сургуулийн найз залуу Маршал Брюс Матерстай хамт байхдаа төрүүлсэн бөгөөд тэд 1970 онд гэрлэжээ. Гэвч Эминемийг төрсний дараа тэд салсан байна.
Эминем, Нельсон хоёрын харилцаа үргэлж хувьсамтгай байсан. 1999 онд Нельсон Эминемийг “The Slim Shady LP” хэмээх дебют цомгийнх нь дууны үгэнд өөрийг нь хар тамхи хэрэглэдэг гэж дурдсан хэмээн гүтгэлэгийн хэргээр шүүхэд өгч байжээ.
Дебби Нельсон, 2005 оны есдүгээр сард.
ABC News-ийн мэдээлснээр, Нельсон шүүх дээр хожил байгуулж 11 сая ам.долларын нөхөн төлбөр нэхэмжилснээс ердөө 25,000 ам.доллар л авсан байна. Харин өмгөөлөгчийн хөлсийг төлсний дараа түүнд 2,000 ам.доллараас ч бага мөнгө үлдсэн гэжээ.
2008 онд Нельсон “My Son Marshall, My Son Eminem” нэртэй дурдатгал номоо хэвлүүлэн, хүүтэйгээ эвдэрсэн харилцааныхаа талаар илэн далангүй бичсэн юм. Түүнчлэн тэр бага насандаа хойд аавынхаа хүчирхийлэлд өртөж байсан тухайгаа ч хуваалцжээ.
Дебби Нельсон, 2001 онд Мичиганд.
Нельсон номондоо Эминемийн аавын тухайд “Тэр намайг хойд аавынхаас аварсны дараа бид ирээдүйн хүсэл мөрөөдлийнхөө талаар ярилцаж эхэлсэн. Би түүнд илүү сайхан амьдралын төлөө шөнө бүр залбирдаг тухайгаа хэлсэн. Надад үргэлж хайртай нөхөр, тохилог гэр, олон хүүхдүүдтэй болохыг хүсдэг байсан. Брюс ч бас адилхан бодолтой байсан” хэмээн бичсэн гэж мэдээлэгдсэн байна.
2008 онд Village Voice сэтгүүлд өгсөн ярилцлагадаа Нельсон Грэммигийн шагналт хүүтэйгээ эвлэрэх боломжийн талаар хөндсөн байдаг.
“Би хэзээ ч хүүхдүүдээсээ татгалзахгүй. Би хэнээс ч нүүр буруулахгүй” хэмээн тэр хэлжээ. “Хүн бүрт итгэл найдвар байдаг. Гол нь зүгээр л өөрийн бардам зангаа залгих асуудал. Энэ бол бэлэн мөнгө болгосон чек шиг л зүйл. Өнгөрсөн, дууссан. Та зүгээр л цааш явах хэрэгтэй.”
Эминем 2024 оны аравдугаар сарын 22-нд Мичиган дахь Камала Харрисын цуглаанд оролцов.
2013 онд Эминем “Headlights” дуугаа гаргаж, ээжтэйгээ маргалдсаныхаа төлөө уучлал хүссэн юм.
Үүнээс бараг арван жилийн дараа, 2022 онд Нельсон хүүгээ Rock & Roll Hall of Fame-д багтсан ёслолд оролцоогүй ч X (хуучнаар Twitter) платформд одоо устгагдсан видео хуваалцаж, түүнд баяр хүргэжээ.
“Маршал, чамайг Алдрын танхимд багтсанд баяр хүргэхгүй өнгөрч чадахгүй гэдгээ хэлэхийг хүсэж байна” гэж Нельсон People сэтгүүлд өгүүлсэн байна.
“Би чамд маш их хайртай. Чи үүнд хүрнэ гэдгийг би мэдэж байсан. Энэ бол урт удаан аялал байлаа. Би чамаар маш их бахархаж байна” хэмээн Нельсон үргэлжлүүлжээ.
Нельсон 1986 оны хоёрдугаар сард Фред Сарма Жуниор хэмээх хүнтэй хамтран хоёр дахь хүүгээ, Нэйтан Самра-Матерсийг төрүүлсэн байна. Гэвч Нэйтан асрамжийн газарт очиж, дараа нь Эминем дүүгийнхээ асран хамгаалагчаар томилогджээ.
nypost.com
