Юта Jazz шинэ ерөнхийлөгчөө сонголоо
Юта Jazz багийн сагсан бөмбөгийн үйл ажиллагааны ерөнхийлөгчөөр ажиллах болсон Остин Эйнжийг томилохоор болсныг багийн эх сурвалж The Athletic-д мягмар гарагийн өглөө баталжээ.
Остин Эйнж нь 16 жил Бостон Celtics багт ажиллаж байсан туршлагатай бөгөөд сүүлийн зургаан жилд тус багийн туслах ерөнхий менежерээр ажиллаж байжээ. Тэрбээр анх 2009 онд Celtics-ийн G League-ийн дэмжлэгтэй баг болох Maine Red Claws-ийн ахлах дасгалжуулагчаар ажиллаж байсан ба 2011 онд удирдлагын багт шилжсэн байна. Эцэг Дэнни Эйнжийн удирдлага дор ажиллаж эхэлсэн тэрбээр дараа нь одоогийн Celtics багийн сагсан бөмбөгийн үйл ажиллагааны ерөнхийлөгч Брэд Стивенсийн дор ажиллаж байсан юм.
Остин Эйнжийн оролцоогүйгээр Celtics баг Брэд Стивенсийн дор хоёр туслах ерөнхий менежер болох Дейв Левин, Майк Заррен нартайгаа үлдэж байна. Гэсэн ч энэ зуны чухал ажиллагаанд түүний оролцоо мэдрэгдэх нь ойлгомжтой. Дэнни Эйнж 2021 онд ажлаа өгснөөс хойш Стивенс удирдлагын багийн тогтвортой байдлыг хадгалахыг зорьж ирсэн юм.
Юта багтаа Остин дахин эцэг Дэнни Эйнжийн дор ажиллах юм. Дэнни нь Юта Jazz багийн гүйцэтгэх захирлаар ажиллаж байна. Юта баг 17-65 гэсэн амжилтаар улирлыг дуусгасан бөгөөд 2025 оны NBA Драфтад тав дахь сонголтоо хийх эрхтэй болсон юм.
(Зургийн эх сурвалж: Дэвид Доу / NBAE via Getty Images)
Эх сурвалж:
Jazz hiring Celtics assistant GM Austin Ainge as president of basketball operations: Source
Ainge, 43, spent 16 years in the Boston Celtics organization, including six years as the assistant general manager
