Зайон Уильямсонд хүчирхийлэл, дарамт учруулсан хэргээр шүүхэд нэхэмжлэл гаргажээ
Зайон Уильямсоныг 2018 оноос 2023 он хүртэл үргэлжилсэн харилцааны туршид “хүчирхийлэл, бие махбодийн, сэтгэл зүйн, санхүүгийн дарамт үзүүлсэн” гэж буруутгаж, шүүхэд нэхэмжлэл гаргасан байна. Мөн түүнийг хүчирхийлсэн хоёр тохиолдлыг тодорхойлсон байна.
Шүүхэд гаргасан баримт бичигт 2020 оны 9-р сард Беверли Хиллст болсон анхны хэргийн талаар тодорхойлжээ. Уг баримт бичигт эмэгтэй Уильямсонд “бие нь ядраад унтах хүсэлтэй байгаагаа” хэлсэн ч Уильямсон түүнд унтахийн тулд заавал секс хийх ёстой гэдгийг шаардсан гэжээ. Тэрээр дараа нь уг эмэгтэйг гар нь араас нь барьж, хүчирхийлсэн гэж буруутгагдсан байна. Баримт бичигт Уильямсон эмэгтэйн утсыг өрөөний цаана хаяж, хоолойг нь боосон гэж нэмсэн байна.
Хоёр дахь хүчирхийлэл 2020 оны 10-р сард мөн Беверли Хиллст болсон гэж мэдээлэгдсэн байна. Эмэгтэй найздаа Сан Диего руу явах төлөвлөгөөгөө хэлсний дараа хүчирхийлэлд өртсөн гэжээ. Хоёр тохиолдлын аль алинд эмэгтэй Уильямсоныг утсыг нь тодорхой хугацаанд авч явсан гэж буруутгасан байна.
Энэхүү нэхэмжлэлд Уильямсоныг уг эмэгтэй болон түүний гэр бүлийнхнийг “алж устгана” гэж сүрдүүлсэн гэж буруутгажээ. Гэмтлийн хохирлыг мөнгөн дүнгээр нөхөн төлүүлэхийг шаардсан бөгөөд ESPN-д мэдээлэл өгсөн эх сурвалжийн хэлснээр уг эмэгтэй 18 саяас 50 сая ам.долларын хооронд нөхөн төлбөр шаардаж байгаа аж.
Уильямсоны өмгөөлөгчид Barrasso Usdin Kupperman Freeman & Sarver LLC фирмийн зүгээс “Эдгээр буруутгалуудыг бид маш нухацтай хүлээж авч, бүрэн эсэргүүцэж байна” гэж мэдэгдлээ. “Нэхэмжлэлд дурдагдсан буруутгалууд нь үндэслэлгүй бөгөөд хариуцлагагүй. Энэ нь мэргэжлийн тамирчныг санхүүгийн ашиг сонирхлоор мөлжих оролдлого мэт санагдаж байна” гэжээ.
Эмэгтэйн өмгөөлөгч Сам Тэйлор II, Ланиэр Өмгөөллийн Фирмд хамааралтай, “Энэ асуудлыг хэвлэлд хэлэлцэхээс болгоомжтой байх болно” гэж мэдэгдсэн байна.
Уильямсоны 2025-26 оны улирлын гэрээ 7-р сарын 15-нд баталгаажих юм.
Эх сурвалж:
Zion Williamson Sued Over Allegations Of Rape, Abuse
Zion Williamson has been accused of rape in addition to sexual, physical, emotional and financial abuse over the span of a relationship lasting from 2018 to 2023, according to a lawsuit.
