Кристал Паласын дасгалжуулагч Оливер Гласнер Эберечи Эзе болон Марк Гуэй нар Пүрэв гарагт Фредрикстадтай хийх Европын Конференцын лигийн урьдчилсан шатны тоглолтод гараанд гарна гэдгийг баталлаа.
Сүүлийн үед Эзег Тоттенхэм, Гуэйг Ливерпүүлд элсэж магадгүй гэх цуурхал тасралтгүй тарж байгаа ч, Гласнер тэднийг дараагийн тоглолтод оролцоно гэдгийг онцолж, Европын тэмцээний лигийн шатанд шалгарах зорилгоо илэрхийлэв. Палас өнгөрсөн улиралд Ноттингем Форестод хожигдсоноор Европын Лигийн эрхээ алдсан билээ.
Хэвлэлийн бага хурлын үеэр Гласнер:
“Эзе гэрээгээрээ хүлээсэн үүргээ биелүүлж, 100 хувь хүчин чармайлт гаргаж байгаа. Түүнд өдөр бүр талархах шаардлагагүй, тэр долоо хоног бүр цалингаа авч байгаа шүү дээ. Олон хүн Челситэй хийсэн тоглолтод Эзе, Гуэй хоёрыг гараанд гарсныг гайхаж байсан. Та нар маргааш ч бас тэднийг гараанд гарч байгааг харах болно. Тэд энэ багтаа үнэнч бөгөөд энд байх хугацаандаа чухал үүрэг гүйцэтгэнэ. Хэрэв явлаа ч Кристал Паласын төлөө бүхнээ зориулсан тоглогчид болж яваасай гэж хүсэж байна” хэмээн хэлжээ.
Oliver Glasner confirms that Eberechi Eze and Marc Guehi will start tomorrow for Crystal Palace's Europa Conference League qualifier 🎙️ pic.twitter.com/uVmTCQT5FX
— Sky Sports News (@SkySportsNews) August 20, 2025
Гуэйгийн үл тоомсорлолтын тухай
Ням гарагт Челситэй 0-0-ээр тэнцсэний дараа Гуэй дасгалжуулагчаа үл тоомсорлосон мэт харагдсан нь олны анхаарлыг татсан. Энэ талаар Гласнер:
“Марк бол маш их амбицтай тоглогч. Ням гарагт сэтгэл хөдлөл нь давамгайлсан байсан. Тоглолтын дараа ядарсан, сэтгэл дундуур байсан нь үнэн. Гоолыг нь хүчингүй болгосон, хожиж чадаагүйд бухимдсан. Үүнийг сөрөг байдлаар бичсэн ч, би үүнийг эсрэгээр нь харж байна. Энэ бол Паласын өсөлтийг харуулж байгаа хэрэг. Бид Челситэй тэнцэхэд сэтгэл ханахаа больжээ” гэж тайлбарласан байна.
🗣️ Glasner on Guehi 'ignoring him' at Stamford Bridge on Sunday: "I’ve seen so much nonsense written about this. Marc was upset that he didn’t win the game and I loved this. It’s the best sign that he could show of how ambitious we are."@ed_aarons pic.twitter.com/F7y6qh0Ve2
— Palace Report (@PalaceReport) August 20, 2025
Европын мөрөөдөл
Палас өнгөрсөн улиралд Английн цомд түрүүлсэн ч, УЕФА-гийн олон клубын эзэмшлийн дүрмийн улмаас Европын Лигийн эрхээ алдаж, Конференцын лигийн гуравдугаар шатнаас тоглохоор болсон. Учир нь клубын хувьцаа эзэмшигч Жон Текстор Лионд ч мөн хөрөнгө оруулдаг бөгөөд Лион Европын Лигт оролцож байгаа юм.
Гласнер энэ тухайд:
“Энэ талаар дахин ярих шаардлагагүй, бид өөрчилж чадахгүй. Бид Английн цомын аварга, Европын Лигт тоглох эрхтэй байсан ч биднийг бууруулсан. Харин одоо Конференцын лигийн бэлтгэлээ хангана. Энэ бол Селхурстэд анх удаа Европын тэмцээнд оролцох боломж, бидний шагнал. Даруу байж, эхний зорилгоо — хэсгийн шатанд шалгарахыг тавина. Энэ тэмцээнд түрүүлэхийг хүсэж байгаа ч финал одоогоор хол байна” гэжээ.
Гласнер өмнө нь Вольфсбургийг удирдаж байхдаа Европын Лигийн урьдчилсан шатанд АЕК Афинд хожигдож байсан тухайгаа дурсаж, багийг анхаарлаа төвлөрүүлж эрхээ авахыг зорьж байгаагаа онцолсон байна.
📌 Кристал Палас энэ долоо хоногт Европын мөрөөдлөө үргэлжлүүлэхээр талбайд гарна.
Эх сурвалж:
