Диснейн шинэ бүтээл “Hexed” 2026 онд дэлгэцнээ гарна
Диснейн бүтээлч чанар дахин нэгэн удаа дэлгэцнээ амилж, 2026 онд шинэхэн “Hexed” кино гарч ирэх гэж байна. Энэхүү бүтээлийг “Zootopia” болон “Raya and the Last Dragon”-ы уран бүтээлч Жоси Тринидад, мөн “Moana 2”-ын хамтран найруулагч Жейсон Ханд нар хамтран найруулжээ.
Кино нь ичимхий өсвөр насны хүү болон түүний Type-A төрлийн ээжийн тухай өгүүлэх бөгөөд хүүгийн этгээд зан үнэндээ ид шидийн нууц хүч болохыг олж мэдсэний дараа тэдний амьдрал үүрд өөрчлөгдөнө. Энэ түүх нь Диснейн алдарт “The Owl House” цувралын уур амьсгалтай төстэй юм. “Hexed” кино 2026 оны 11-р сард албан ёсоор үзэгчдийн хүртээл болно.
Coming to theaters in Fall 2026, Disney’s #Hexed is an all-new original film that follows an awkward teenage boy and his Type – A mom, who discover that what makes him unusual, might just be magical powers that will turn their lives and a secret world of magic, upside down.… pic.twitter.com/wGEM3gNkor
— Disney Animation (@DisneyAnimation) August 30, 2025
“Ice Age: Burning Point” – шинэ адал явдал
Диснейн мэдээлсэн өөр нэг сонирхолтой бүтээл бол Blue Sky-ийн алдарт “Ice Age” франчайзийн зургаа дахь гол анги болох “Burning Point” кино юм. 20th Century Animation студийн бүтээл уг кинонд өмнөх цувралын Мэнни, Сид, Диего, Элли, Скрат зэрэг дүрүүд дахин гарч, үлэг гүрвэл, лаав дүүрэн аюулт адал явдлуудтай нүүр тулна.
Шинэ аялал нь тэднийг “Lost World”-ын урьд өмнө үзэгдээгүй хэсгүүдээр аялуулж, үзэгчдийг сэтгэл догдлом шинэ ертөнцтэй учруулах болно. “Burning Point” кино 2027 оны 2-р сарын 5-нд дэлгэцнээ гарах товтой байна.
Ирээдүйд гарах бусад бүтээлүүд
Ойрын хугацаанд Дисней үзэгчдэд дараах кинонуудын шинэ дүр, хэсгүүдийг танилцуулжээ:
- “Zootopia 2” – 2025 оны 11-р сарын 26
- “Hoppers” – 2026 оны 3-р сарын 5
- “Toy Story 5” – 2026 оны 6-р сарын 19
“Toy Story” болон “Zootopia”-д шинэхэн дүрүүд нэмэгдсэн бол, “Hoppers”-ийн гурван хэсгийг үзэгчдэд урьдчилан сонирхуулсан байна.
📌 Эх сурвалж: Gizmodo
