Audi A7 болон S7 загваруудыг зогсоолоо, харин RS7 амьд үлдэв
Audi компани загварын нэршлээ шинэчилж, сонголтыг цөөлөх шийдвэр гаргасан бөгөөд энэ хүрээнд A7 болон спортлог S7 загваруудыг 2026 оноос хойш үйлдвэрлэхгүй болсноо мэдэгдлээ. Харин өндөр хүчин чадалтай RS7 загвар үйлдвэрлэлээ үргэлжлүүлэхээр болжээ.
Autoblog-д өгсөн мэдэгдэлд Audi-ийн төлөөлөгч “2026 оны загварын жилд A7 болон S7 загваруудыг санал болгохгүй. Үйлдвэрлэл шинэ A6 TFSI загвар руу шилжих ба RS7 загвар үргэлжлэн үйлдвэрлэгдэнэ” гэж тайлбарлав. Тус хоёр загвар одооноос Хойд Америкийн зах зээлд дахин худалдаалагдахгүй юм.
A7-гийн оронд A6 болон E-Tron
Audi-ийн шинэ бүтэц зохион байгуулалтын дагуу A7 загвар нь хоёр төрлөөр үргэлжлэх бөгөөд бензин хөдөлгүүртэй хувилбарыг A6 TFSI, харин цахилгаан хувилбарыг e-tron хэмээн нэрлэх аж. Цахилгаан e-tron загвар нь өмнөх A7 шиг спортлог загвартай байх юм.
RS7 – Хамгийн сүүлийн том RS
Хоёр турботой V8 хөдөлгүүр бүхий 621 морины хүчтэй Audi RS7 Sportback Performance загвар нь одоогоор үйлдвэрлэлээс гараагүй цор ганц том RS загвар болон үлдэж байна. Энэ загвар нь RS6 Avant загвартай ижил платформ дээр бүтээгдсэн бөгөөд хамгийн сүүлийн үеийн Performance хувилбар нь 591 морины хүчнээс дээш хүчин чадалтай болсон. Мөн бүх дугуйгаар хөтлөх системийг дахин тохируулснаар илүү спортлог, хүчирхэг жолоодлого санал болгож байна.
Гэхдээ V8 хөдөлгүүртэй RS загваруудын ирээдүй тодорхойгүй хэвээр байна. Audi компани олон төрлийн эрчим хүчний хандлагыг туршиж байгаа ба цахилгаанжуулалтын шинэ үе ирж буй энэ цаг үед RS6 болон RS7 загваруудыг нэгтгэж, АНУ-д вагон хувилбарыг оруулах магадлалтай байгаа аж.
Эх сурвалж: autoblog
