Ливерпүүл Марк Гүехийг Кристал Паласаас авахад ойртож байна
Ливерпүүл клуб Кристал Паласаас хамгаалагч Марк Гүехийг элсүүлэх хэлэлцээрт хүрэхэд ойртжээ. Өмнөд Лондонгийн клуб шилжүүлгийн цонхны сүүлийн мөчид уг наймааг зөвшөөрсөн байна.
Хэдийгээр Кристал Паласын дасгалжуулагч Оливер Гласнер өнгөрсөн долоо хоногт хийсэн хэвлэлийн бага хурал дээр өөрийн багийн ахлагчийг алдахыг хүсэхгүй байгаагаа илэрхийлсэн ч, клубийн дарга Стив Париш эцэст нь өөр шийдвэр гаргасан бололтой.
Мэдээллээр, Гүехи одоогоор Лондонд эмнэлгийн үзлэгт орж байгаа бөгөөд Их Британийн цагаар 19:00-аас өмнө гэрээгээ дуусгахаар төлөвлөж байна.
25 настай Английн шигшээ багийн тоглогч Ливерпүүлтэй урт хугацааны гэрээ байгуулах бөгөөд Виржил ван Дэйк, Ибраима Конате нартай байрлалын төлөө өрсөлдөх юм.
Тэрээр өнгөрсөн ням гарагт болсон Астон Виллаг 3-0 гоолын харьцаатай хожсон тоглолтод Кристал Паласын ахлагчаар оролцож, гоол оруулсан ч ирээдүйнхээ талаар тайлбар өгөхөөс татгалзсан. Тоглолтын шилдгээр шалгарсан тэрээр, “Ийм гоол оруулах нь багийн гүйцэтгэлээс шалтгаалдаг. Хүмүүс гоолыг онцлохыг хүсдэг ч энэ бол багийн хамтын ажиллагааны үр дүн” хэмээн ярьсан юм.
🚨 BREAKING: Liverpool agree deal to sign Marc Guehi from Crystal Palace, here we go!
— Fabrizio Romano (@FabrizioRomano) September 1, 2025
Deal in place for fee over £35m plus 10% sell-on clause included in the package.
Guehi agreed personal terms with Liverpool one month ago, now all done.
One more move by Richard Hughes. ♟️ pic.twitter.com/y1JhjCLCvJ
Гэсэн ч энэ тоглолт нь түүний Кристал Паласын төлөө хийсэн сүүлчийн тоглолт байсан бололтой. Ливерпүүл түүнийг 35 сая фунт стерлингийн (£35m / 119 тэрбум төгрөг орчим) үнээр элсүүлж, 2026 оны ДАШТ-д оролцох Английн шигшээ багийн бүрэлдэхүүнд нэрлэгдэх боломжийг нь нэмэгдүүлэх зорилготой байна.
Эх сурвалж: 101 Great Goals
