Марк Гүехи Кристал Паласт үлдэнэ
Кристал Паласын ахлагч Марк Гүехи энэ улиралд клубтаа үлдэхээр боллоо. Түүнийг Ливерпүүл рүү явах гэж байгаа талаар мэдээлэгдэж байсан ч эцсийн мөчид гэрээ цуцлагдсан байна.
Палас түүний оронд Фиорентинагийн Игор Жулиог элсүүлэхэд ойртсон ч хамгаалагч Вест Хэмийг сонгосон. Гэсэн ч тэд Тулузын 19 настай төвийн хамгаалагч Жэйди Канвотыг дөрвөн жилийн гэрээгээр өөртөө нэгтгэж чадсан юм. Гэсэн хэдий ч клуб ахлагч Гүехиг явуулахаасаа өмнө хоёр шинэ тоглогчийн гэрээг баталгаажуулахыг зорьж байсан аж.
Энэ үйл явдал Ливерпүүлийн хувьд тун завгүй, чухал өдөр болж өнгөрлөө. Тэд Ньюкаслаас довтлогч Александр Исакыг 125 сая фунт стерлингээр элсүүлэх Британий дээд амжилтын наймааг тохиролцсон бөгөөд Жаррелл Куанзах Байер Леверкузен рүү явснаас хойш Гүехи Арне Слотын багийн хамгаалалтын гол зорилтот тоглогч болсон байв. Ливерпүүл эхний гурван тоглолтдоо зургаан гоол алдсан нь хамгаалалтын асуудал ноцтой байгааг харуулсан.
🚨⚠️ BREAKING: Marc Guehi-Liverpool deal has COLLAPSED.
— Fabrizio Romano (@FabrizioRomano) September 1, 2025
Despite medical done and deal sheet submitted, Crystal Palace don’t approve the move following Igor deal off.
Guehi stays at #CPFC. 🦅 pic.twitter.com/xlfF2ap24T
Гэсэн ч Гүехи Селхурст Паркт үлдэж, Кристал Паласыг Европын анхны тэмцээнд ахалж оролцохоор болж байна. Түүний гэрээ ирэх зун дуусах учраас тэр үед хүсвэл чөлөөтэй клубээ солих боломжтой.
Эх сурвалж: 101 Great Goals
