Шон Стрикланд: “Борральхо өөрийгөө сүйтгэсэн”
UFC-ийн дунд жингийн хуучин аварга Шон Стрикланд хамт бэлтгэл хийж байсан Каио Борральхог Парисын эвентэд ялагдахад хүргэсэн шалтгааныг дэлгэж, хатуу үг хэллээ.
Түүний үзэж байгаагаар Борральхо UFC 319-ийн гол эвентийн нөөц тулаанч болохоор хэт анхаарснаас болж, жингээ хасах гэж бэлтгэлээ золиосолсон нь Имавовтой хийсэн тулаанд шууд нөлөөлсөн гэнэ. Тэрээр “Тулааны өмнөх дөрвөн долоо хоногт зөвхөн жингээ хасахад анхаарсан нь түүний биеийг туйлдуулсан. Энэ шийдвэр Борральхогийн хамгийн том алдаа байлаа” хэмээн шүүмжилжээ.
Каио Борральхо 8-р сарын 16-нд дунд жингийн лимитэд жингээ амжилттай буулгаж, Хамзат Чимаев болон Дрикюс Дю Плесис нарын тулаанд нөөц тулаанч болж бэлтгэгдсэн ч, тулаан ямар ч асуудалгүй явагдсан тул түүнийг оролцуулах шаардлагагүй болсон. Улмаар тэрээр хэдхэн долоо хоногийн дараа дахин жингээ хасаж, Насурдин Имавовтой нүүр тулсан юм.
Гэвч Парист болсон энэ тулаанд Борральхо идэвхтэй, зоригтой тулалдсан ч санал нэгдсэн шийдвэрээр ялагдал хүлээлээ. Шүүгчдийн оноо 50-45, 49-46, 49-46 байв, ялалт Имавовынх.
Тулааны дараа Стрикланд нөхөрлөлийн үүднээс Борральход урам хайрлахын оронд хатуу үнэнтэй нүүр тулгав. Тэрээр “Жин хасах шийдвэр бол стратегийн том алдаа байсан. Хэн ийм зөвлөгөө өгсөн юм бэ?” хэмээн бухимдаж, түүний бэлтгэлийг удирдсан хүмүүсийг ч шүүмжилжээ.
Энэ ялагдлаар Борральхо UFC дэх анхны ялагдлаа хүлээж, дунд жингийн топ өрсөлдөгчдийн жагсаалтад урагшлах боломжоо алдав. Түүний зорилго Чимаевтай титмийн төлөө өрсөлдөх байсан ч, одоо тэр зорилго улам холдлоо.
Харин ялалтын эзэн Имавовын хувьд, энэ бол түүний дараалсан тав дахь ялалт байлаа. Тэрбээр 2023 оны 1-р сард Шон Стрикландтай хийсэн тулаанд оноогоор дийлдсэн ч түүнээс хойш тогтвортой амжилттай байж, өрсөлдөгч бүрээ сөхрүүлсээр буй. Парисын дараа тэр Чимаевыг рингэн дээр дуудсан ч, UFC дараагийн өрсөлдөгчийнх нь тухай хараахан тодорхой шийдвэр гаргаагүй байна. Энэ байдал Рейнер де Риддер болон Энтони Хернандез нарын тулааны үр дүнгээс хамаарах төлөвтэй.
Caio is my buddy but hes an idiot. He trained with us and was useless.
— Sean Strickland (@SStricklandMMA) September 7, 2025
Me "whats wrong with you"
Caio "Im cutting, im an alternate"
So you're giving up 4 weeks of your camp cutting weight twice while having a fight coming up?
Whoever told you to do that, please hit him
It was so frustrating I wanted to hit him.. I didnt say anything because I wanted to keep his spirits up but he really took some bad advice from someone. That fight wasnt him. It was missing 4 weeks of training cutting weight twice
— Sean Strickland (@SStricklandMMA) September 7, 2025
What do you think happens when you kill your body so much in such a short period of time? Exactly that
— Sean Strickland (@SStricklandMMA) September 7, 2025
Эх сурвалж: mmafighting
