Супер Марио Галакси кино ирэх хавар дэлгэцнээ гарна
Nintendo компани 2023 оны анимэйшний хит бүтээл The Super Mario Bros. Movie-ийн үргэлжлэл болох The Super Mario Galaxy Movie-г 2026 оны хавар дэлгэцнээ гаргахаар зарлалаа. Энэ тухай мэдээг Nintendo Switch Direct шууд дамжуулалтын үеэр танилцуулсан бөгөөд уг кино нь Nintendo болон Illumination студийн хамтарсан бүтээл юм.
Киноны үйл явдал нь Марио болон түүний найзуудын сансарт хийх адал явдлыг харуулах бөгөөд энэ нь тоглоомын цувралын 40 жилийн ойд зориулсан гол үйл явдал болохыг Шигэру Миямото онцолсон байна. Illumination студийн үүсгэн байгуулагч, гүйцэтгэх захирал Крис Меледандри ч мөн адил Nintendo-той хамтран ажиллахдаа баяртай байгаагаа илэрхийлж, “Марио” брэнд олон үеийн фенүүдэд бүтээлч байдал, төсөөлөл, адал явдлыг авчирсан хэмээн онцолжээ.
Киноны найруулагчаар Майкл Желеник болон Аарон Хорват нар ажиллах бөгөөд Мариогийн дуу оруулагчаар Крис Пратт, Хатан Пичийн дүрд Ана Тейлор-Жой, Луижигийн дүрд Чарли Дэй, Боузерийн дүрд Жэк Блэк, Тоадын дүрд Кееган-Майкл Кей, Камекын дүрд Кевин Майкл Ричардсон нар тоглох юм. Нэмэлт дүрүүд болон дуу оруулагчдын талаархи мэдээллийг цаашид зарлах болно.
Киноны агуулга, дүрслэл, сэтгэл хөдлөлийн гүн гүнзгий илэрхийлэл нь үзэгчдийн сэтгэлд тод үлдэхээр байна. The Super Mario Galaxy Movie нь 2026 оны 4-р сарын 3-нд АНУ-д, 4-р сарын 24-нд Японд нээлтээ хийхээр төлөвлөгдөж байгаа бөгөөд Super Mario Galaxy болон Super Mario Galaxy 2 тоглоомын шинэчилсэн хувилбаруудтай хамт 2025 оны 10-р сарын 2-нд Nintendo Switch 2 дээр худалдаанд гарна.
Эх сурвалж: 🔗 Gizmodo
