Конор МакГрегорын эргэн ирэлт: UFC-ийн цагаан ордны эвентэд тулаан хийхээр төлөвлөж байна
Хоёр жингийн аварга асан, тулааны спортын хамгийн ярвигтай од Конор МакГрегор UFC-ийн түүхэн эвентэд дахин тулааны дэвжээнд гарахаа албан ёсоор мэдэгдлээ. Тэрээр 2026 онд болох UFC-ийн Цагаан ордны эвентэд Майкл Чандлертай тулалдахаар төлөвлөж буйгаа Fox & Friends нэвтрүүлэгт оролцох үеэрээ илэрхийлсэн байна.
🚨 Conor McGrgeor just confirmed Michael Chandler will be his opponent at the UFC White House event
— Happy Punch (@HappyPunch) September 20, 2025
“I’m on it. [Fighting] Michael Chandler.” 👀 pic.twitter.com/rOZ4yshFyS
МакГрегор энэ мэдээг хуваалцахдаа “Майкл Чандлер бол жинхэнэ дайчин. Бид өмнө нь The Ultimate Fighter шоугаар дамжуулан хамтран ажилласан, түүнд хүндэтгэлтэй ханддаг” хэмээн онцолсон. Тэрээр UFC-ийн хамгийн онцгой тайзны нэг болох Цагаан ордны эвентэд нэрээ бичүүлэхээр сэтгэл шулууджээ.
Түүний өрсөлдөгч Чандлер ч мөн энэхүү тулааныг тэсэн ядан хүлээж буйгаа илэрхийлж, “Конортой тулалдах мөч урьд урьдынхаас илүү ойртож, илүү утга учиртай болж байна” хэмээн мөн л мэдэгдлээ.
Гэвч UFC-ийн тэргүүн Дана Уайт уг эвентийн хөтөлбөрийг 2026 оны хоёрдугаар сараас нааш эцэслэн батлахгүй гэж мэдэгдсэн ч, МакГрегорын хүсэл зоригийг үнэлж буйгаа илэрхийлжээ. Тэрээр ирээдүйд болох энэхүү түүхэн тулаанд МакГрегор оролцоно гэдэгт итгэлтэй байгаа аж.
Сүүлийн жилүүдэд МакГрегорыг октагоныг орхисон гэх яриа давамгайлж байсан ч тэрээр дэвжээг бүр мөсөн орхихоос татгалзсан байдаг. 2021 онд Дастин Пойриертэй хийсэн гурав дахь тулааны үеэр хөлөө хугалсан МакГрегор 2024 онд Чандлертай тулалдахаар товлосон ч, бэлтгэлийн үеэр хөлийн хуруугаа хугалснаар тулаан цуцлагдсан билээ.
Харин энэ удаа түүний тулаанд эргэн ирэх шийдвэр илүү зоримог, илүү шийдэмгий байна. UFC-ийн зүгээс зөвшөөрөл олгоход л хангалттай. Шүтэн бишрэгчид нь ч түүнийг дахин октагон дээр харахыг хүсэн хүлээж байна.
🔗 Эх сурвалж: www.mmafighting.com
