Челси Ливерпүүлтэй эн зэрэгцэх зорилт тавьжээ
Челсигийн ерөнхий дасгалжуулагч Энцо Мареска энэ бямба гарагт болох Ливерпүүлийн эсрэг тоглолтын өмнө баг нь Английн шилдэг багтай өрсөлдөх түвшинд хүрэхийн төлөө хичээж буйгаа илэрхийллээ.
Ливерпүүл өнгөрсөн долоо хоногт Кристал Паласт хожигдож, Галатасарайтай хийсэн тоглолтод ч амжилтгүй тоглосон. Харин Челси энэ боломжийг ашиглан олон улсын завсарлагааны өмнө байр сууриа ахиулахыг зорьж байна.
Liverpool at home for MD7! 👊 pic.twitter.com/0QMzxQ5MBn
— Chelsea FC (@ChelseaFC) October 2, 2025
“Ливерпүүл бол Английн хамгийн шилдэг баг. Тэдний Премьер лигт үзүүлсэн амжилт үүнийг харуулж байна. Бидний хувьд одоогоор асуудлуудаа шийдвэрлэж, алхам алхмаар урагшилж байгаа. Эцэст нь бид тэдэнтэй эн зэрэгцэх түвшинд хүрнэ” хэмээн Мареска хэллээ.
Мөн тэрээр:
“Эхний дөрөв, таван тоглолтод бид сайн эхэлсэн ч, дараагийн тоглолтуудад хүссэн үр дүнгээ авч чадсангүй. Энэ нь бидний авч буй улаан картууд, мөн гэмтэлтэй тоглогчдын тоо их байгаатай холбоотой” гэжээ.
Залуу тоглогчдод итгэж байна
Багийн гол тоглогчид гэмтэлтэй байгаа энэ үед Мареска залуу тоглогчдод илүү боломж олгохоос өөр аргагүй болжээ. Коул Палмер, Лиам Делап нар гэмтлийн улмаас талбайд гарахгүй байгаа бол Весли Фофана, Леви Колвилл нар ч улирлын туршид бэртэлтэй тулгарсан хэвээр байна.
“Би залуу тоглогчдод бүрэн итгэдэг. Жишээлбэл, Жош Ачеампондыг гараанд гаргаж, зарим ахмад тоглогчдыг сэлгээнд үлдээсэн. Энэ бол бидний итгэл үнэмшлийн илрэл. Тирик Жоржийн хувьд ч мөн ялгаагүй. Маргаашийн тоглолтод бид асуудлын шийдлийг олох болно,” хэмээн тэрээр мэдэгдлээ.
📎 Эх сурвалж: 101GreatGoals
