Вест Хэмийн дасгалжуулагч Нуно Эспирито Санто: “Бид хөгжөөн дэмжигчдээ эргүүлэн татах ёстой”
Вест Хэмийн дасгалжуулагч Нуно Эспирито Санто Лондонгийн цэнгэлдэх хүрээлэнд Брентфордтой хийсэн тоглолтын дараа хөгжөөн дэмжигчдийнхээ итгэл, дэмжлэгийг буцаан авах шаардлагатай байгааг онцоллоо.
Тус тоглолтод Вест Хэм Брентфордын эсрэг 0-2 гэсэн гоолын харьцаатай хожигдсон бөгөөд цэнгэлдэх хүрээлэнгийн суудлуудын ихэнх нь хоосон байв.
Брентфордын Игор Тиаго, Матиас Женсен нар тус бүр нэг гоол оруулж, багаа ялалт байгуулахад гол үүрэг гүйцэтгэсэн ч илүү том харьцаатай хожих боломж байсан гэж үзэж байна. Тиаго хоёр дахь гоолоо оффсайд байрлалд орсны улмаас хүчингүй болгосон бөгөөд Брентфорд тоглолтын турш давамгайлж, Вест Хэм түүхэндээ хоёр дахь удаагаа тав дараалан гэртээ хийх тоглолтдоо хожигдлоо.
"It's one of the SLOWEST teams I've seen in Premier League history!"
— Sky Sports Premier League (@SkySportsPL) October 20, 2025
Jamie Carragher's damning concerns about West Ham's athleticism. pic.twitter.com/vsIb1pk85F
Тоглолтын дараа Нуно Эспирито Санто:
“Энэ тоглолт зөвхөн надад бус, тоглогчид болон хөгжөөн дэмжигчдэд ч хүнд байсан. Эхний 15 минутанд бид сайн тоглосон ч дараа нь хэмнэлээ алдсан. Брентфорд хүчтэй байлаа, булангийн цохилт, шидэлт бүр нь бидэнд дарамт учруулсан,” гэв.
Мөн тэрээр тоглогчдод хандан, “Өдөр бүр суралцаж, хичээж, хөгжөөн дэмжигчдээ эргүүлэн татахын тулд бид тоглолтын хэмнэлээ өөрчлөх ёстой. Дөрвөн өдрийн дараах тоглолтод илүү сайжрах хэрэгтэй” хэмээн онцоллоо.
Вест Хэм одоогоор хүснэгтийн 19 дүгээр байранд бичигдэж байгаа бөгөөд ирэх Баасан гарагт Лийдсийн эсрэг тоглох юм.
📎 Эх сурвалж: 101 Great Goals
