Брентфорд Лондонд Вест Хэмийг буулган авлаа
Лондонгийн цэнгэлдэх хүрээлэнд болсон тоглолтод Вест Хэм тун сул, зохион байгуулалтгүй тоглолоо. Харин Брентфорд зочид талбайд илт давуу байж, Нуно Эспирито Санто Вест Хэмийн дасгалжуулагчаар талбайдаа хийсэн анхны тоглолтоо ялагдлаар эхлүүлэв.
Эхний хагасад Брентфорд Вест Хэмийн хаалга руу 15 удаа цохилт хийсэн бол эзэн баг ердөө гурван удаа л оролдлого хийсэн нь тоглолтын тэнцвэргүй байдлыг тод харуулав. Игор Тиаго хамгаалалтын алдааг ашиглан эхний гоолыг оруулсан бөгөөд тэрээр нэмэлт цагт дахин гоол хийх гэж оролдсон ч оффсайд байрлалд орсон хэмээн VAR-аар хүчингүй болгогдов.
Хоёрдугаар хагасын эхэнд Нуно гурван тоглогчийг сэлгэж, хамгаалалтын гурван хамгаалагчийн системд шилжсэн ч тоглолтын урсгалд онцын өөрчлөлт гарсангүй. Брентфорд давамгайлсаар, Кевин Шаде толгойгоор цохиж хаалганы хөндлөвчийг оноов.
Тоглолтын төгсгөлд Вест Хэмийн хөгжөөн дэмжигчдийн олонх цэнгэлдэх хүрээлэнгээс гарч, Брентфорд Маттиас Женсенийн нэмэлт цагийн гоолоор ялалтаа баталгаажууллаа.
Энэхүү хожлоор Брентфорд хүснэгтийн 13-р байрт бичигдэж байгаа бол Вест Хэм 19-р байрт үлдэв.
Эх сурвалж: 101 Great Goals
