Слот: Салахтай ярилцсаны дараа л Брайтоны эсрэг тоглуулах эсэхээ шийднэ
Ливерпүүлын дасгалжуулагч Арне Слот Мохамед Салахыг клубтээ үлдэхийг хүсэхгүй байх “ямар ч шалтгаан алга” гэж онцоллоо. Гэсэн ч энэ бямба гарагт Брайтоны эсрэг хийх тоглолтод түүнийг талбайд гаргах эсэхээ одоогоор эцэслээгүй байна. Дасгалжуулагчийн хэлснээр шийдвэр нь Салахтай хийх нүүр тулсан ярилцлагын үр дүнгээс хамаарна. Сүүлийн өдрүүдэд үүсээд буй маргаан нь зөвхөн сонголтын асуудал бус, багийн доторх уур амьсгал, итгэлцлийн тухай яриа болоод хувирчээ.
Салах долоо хоногийн дундуур Миланд болсон Аваргуудын лигийн тоглолтод явах бүрэлдэхүүнд багтаагүй, гэртээ үлдсэн. Тэрээр улирлын эхний хагаст Ливерпүүлын тааруу үр дүнгийн “тугалын шийр дөрөөлсөн хүн” мэтээр өөрийг нь буруутгасан хэмээн гомдол мэдэгдэж, өөрийг нь “золиосолсон” гэж илэрхийлсэн байдаг. Мөн Слоттой харилцаа холбоо бараг тасарсан гэх утгатай байр суурь гаргасан нь фенүүдийн дунд томоохон хэлэлцүүлэг өрнүүлэв. Энэ нөхцөлд клубээс түүнийг Интерийн эсрэг тоглолтод авч яваагүй шийдвэр нь дотоод зохион байгуулалтын хатуу дохио болж харагдсан юм.
Слот энэ асуудлаар клубын хэмжээнд шийдвэр гарсан, өөрөө ч тэр шийдвэрт оролцсон гэж тайлбарлав. Харин Салахыг үлдэхийг хүсэж байна уу гэх асуултад, дараагийн удаа “Могийн тухай” ярихдаа заавал түүнтэй шууд ярилцсаны дараа хийнэ гэдгээ илэрхийлжээ. Өөрөөр хэлбэл олон нийтэд хандаж үг шидэлгүй, тоглогчтойгоо нэг ширээний ард сууж асуудлаа цэгцлэхийг урьтал болгож байна. Слотын хувьд одоогоор Салахыг үлдэхийг хүсэхгүй байх “үндэслэл” харагдахгүй гэсэн дохиог ч давхар өглөө.
Салах Ливерпүүлын төлөө хамгийн сүүлд 11-р сарын 1-нд гоолдсон бөгөөд удахгүй Египетийн шигшээд нэгдэн Африкийн Үндэстнүүдийн цомд оролцох хуваарьтай. Тиймээс Брайтоны эсрэг тоглолт нь түүнийг клубынхоо төлөө сэтгэлзүй, формоо сэргээх боломж байж мэднэ. Слот “өнөө өглөө Мо-той ярилцана, тэр ярианы үр дүн маргааш бүхнийг тодорхойлно” гэж мэдээлсэн. Мөн Сандерлэндтэй хийсэн тоглолтын дараа Салахын төлөөлөгчид болон клубынхон, түүнчлэн Салах өөртэй нь олон удаа ярилцсан гэдгийг нуугаагүй байна.
Салахыг бүрэлдэхүүнээс гаргаснаас хойш Ливерпүүл дөрвөн тоглолт дараалан хожигдоогүй, тэр дундаа Миланд авсан сүүлийн мөчийн хожил нь уур амьсгалыг мэдэгдэхүйц өөрчилжээ. Слотын тайлбарласнаар баг сүүлийн дөрвөн тоглолтод өрсөлдөгчдөд боломж гаргахгүй, хаалга руу хийсэн цохилтыг хаах хүртэл хамгаалалтын сахилга, багийн хөдөлмөрөөр “даван туулахад бэрх” төрхтэй болсон. Тоглогчдын нөөц хомс үед 10 хоногт дөрвөн тоглолт хийх хүнд хуваарь давхацсан ч тэд сэтгэлзүйн хувьд нягтарч, тэсвэр тэвчээрээ харуулсан гэв. Үр дүн дээр зарим үед аз дутсан ч, багийн нийт хүчин чармайлт өөрөө хамгийн том үнэлгээ гэж Слот дүгнэсэн байна.
No Title
No Description
‘No reason’ to want Salah to leave Liverpool says Slot
The Egypt forward was left at home in midweek
