UFC хагас дунд жинд ялагдалгүй явсан өрсөлдөгч Ринат Фахретдиновыг багтаасан гурван тулаанчийг ростероосоо хаслаа. UFC-ийн төлөөлөгчийг оролцуулаад хэд хэдэн эх сурвалжийн мэдээлснээр Фахретдиновын гэрээ дууссан ч байгууллага дахин гэрээ байгуулахаас татгалзжээ.
Ринат Фахретдинов UFC-д нийт 6-0-1 амжилттай байсан бөгөөд хамгийн сүүлд UFC Париc дээр Андреас Густафссоныг 54 секундэд нокаутаар буулгаж авсан. Тэр мөн 2023 оны 7-р сард түр аваргын бүсний өрсөлдөгч байсан Кевин Лиг буулгаж авч байв.
Мөн Лоик Раджабов, Элизеу Залески нар гэрээгээ дуусгаад ростероос гарлаа. PFL-ийн улирлын финалист Раджабов UFC-д 2-2 үзүүлэлттэй бөгөөд хамгийн сүүлийн тулаандаа 2024 оны 7-р сард Трэй Огденд шүүгчдийн шийдвэрээр ялагдсан.
Элизеу Залески сүүлийн таван тулаанаас ердөө нэг ялалттай, үүний зэрэгцээ Чиди Нжокуани болон Нэйл Магни нарт дараалан ялагдсан үзүүлэлттэй байна.
